മൂന്ന് ദിവസമായി കാണ്മാനില്ല; യുവതിയെ കണ്ടെത്തിയത് സിസിടിവിയില്‍ പതിഞ്ഞ അടയാളത്തില്‍

സിഡ്‌നി: മൂന്നു ദിവസമായി കാണാതായ സ്ത്രീയെ കണ്ടെത്തിയത് സിസിടിവി ദൃശ്യങ്ങളില്‍ പതിഞ്ഞ അടയാളത്തില്‍. ഞായറാഴ്ച കൂട്ടുകാരുമൊത്ത് നടക്കാനിറങ്ങിയപ്പോഴാണ് അമ്പത്തിയഞ്ചുകാരിയായ സ്ത്രീയെ കാണാതായത്.

സൗത്ത് ഓസ്‌ട്രേലിയന്‍ തലസ്ഥാനമായ ഏദെലെയ്ഡില്‍ നിന്നാണ് സ്ത്രീയുള്‍പ്പെട്ട ഒരു സംഘം യാത്ര പുറപ്പെട്ടത്. എന്നാല്‍, കുറച്ച് ദൂരം പിന്നിട്ടപ്പോഴേക്കും സ്ത്രീയ്ക്ക് വഴി തെറ്റുകയായിരുന്നു. കുറെ പോലീസുകാരും ഹെലികോപ്റ്ററും ചേര്‍ന്ന് പലയിടങ്ങളിലും പരിശോധനകള്‍ നടത്തിയെങ്കിലും കണ്ടെത്താന്‍ കഴിഞ്ഞില്ല.

ചൊവ്വാഴ്ച സൗത്ത് ഓസ്‌ട്രേലിയയിലുള്ള ഒരു വ്യക്തിയുടെ സ്ഥലത്തെ സിസിടിവി ദൃശ്യങ്ങള്‍ പരിശോധിച്ചപ്പോഴാണ് സ്ത്രീയെ കണ്ടെത്താനുള്ള തുമ്പ് കിട്ടിയത്. തന്നെ രക്ഷിക്കണമെന്നുള്ള അടയാളം സിസിടിവി ദൃശ്യങ്ങളില്‍ കണ്ടെതിനെ തുടര്‍ന്ന്, ഉടമസ്ഥന്റെ ശ്രദ്ധയില്‍പ്പെടുകയായിരുന്നു. ഉടന്‍തന്നെ പോലീസില്‍ വിവരം അറിയിക്കുകയും ചൊവ്വാഴ്ച രാത്രിയോടെ സ്ത്രീയെ കണ്ടെത്തുകയായിരുന്നു.