ഇൻഡോനേഷ്യയിൽ പള്ളികളിൽ ആക്രമണം: 6 മരണം

ജക്കാര്‍ത്ത: ഇൻഡോനേഷ്യയിൽ മൂന്ന് ക്രിസ്ത്യൻ പള്ളികള്‍ക്ക് നേരെ നടന്ന ചാവേര്‍ ആക്രമണങ്ങളിൽ ആറുപേര്‍ മരിച്ചതായി റിപ്പോര്‍ട്ട്. 35 പേര്‍ക്ക് പരിക്കേറ്റിട്ടുണ്ട്. ഞായറാഴ്ച പുലര്‍ച്ചെ പ്രാര്‍ത്ഥനയ്ക്കിടെയായിരുന്നു ആക്രമണം.

പള്ളിയിലെത്തിയ ചാവേറുകള്‍ പൊട്ടിത്തെറിക്കുകയായിരുന്നുവെന്നാണ് പോലീസ് പറയുന്നത്. ഉഗ്രസ്ഫോടനത്തിന്‍റെ ഫലമായി വൻതോതിൽ തീപിടുത്തവുമുണ്ടായി. മരണസംഖ്യ ഉയര്‍ന്നേക്കുമെന്നും വിവിധ മാധ്യമങ്ങള്‍ റിപ്പോര്‍ട്ട് ചെയ്തു.

രാജ്യത്തെ മറ്റു പള്ളികളിലും ആക്രമണസാധ്യതയുണ്ടെന്ന നിഗമനത്തുടര്‍ന്ന് പോലീസ് സുരക്ഷ ശക്തമാക്കി. സുരബായിലെ എല്ലാ പള്ളികളും താത്കാലികമായി അടച്ചിടാൻ നിര്‍ദേശം നല്‍കി. സംഭവത്തിന്‍റെ ഉത്തരവാദിത്തം ആരും ഏറ്റെടുത്തിട്ടില്ല.