മെക്‌സിക്കോ ഭൂകമ്പം: മരണം 140 കടന്നതായി റിപ്പോർട്ട്

മെക്‌സിക്കോ സിറ്റി: ഇന്നലെ മെക്‌സിക്കോ സിറ്റിയിലുണ്ടായ വൻ ഭൂകമ്പത്തിൽ 140 മരണം. റിക്ടർ സ്‌കെയിലിൽ 7.1 തീവ്രത രേഖപ്പെടുത്തി. നിരവധി കെട്ടിടങ്ങൾ ഭൂചലനത്തിൽ നിലംപതിച്ചു. ഇവയിൽ ആൾക്കാർ കുടുങ്ങിക്കിടക്കുന്നുണ്ടെന്ന് സംശയിക്കുന്നു. ഭൂകമ്പം ഉണ്ടായപ്പോൾ ആയിരക്കണക്കിന് ആളുകൾ തെരുവിലേക്ക് ഓടിയിറങ്ങി. ചില കെട്ടിടങ്ങളിൽ തീപിടിച്ചു.

ഈ മാസം ആദ്യം മെക്സിക്കോയിൽ ഉണ്ടായ ഭൂചലനത്തിൽ 61 പേർ കൊല്ലപ്പെട്ടിരുന്നു. തലസ്ഥാന നഗരിയിൽ നിന്ന് 100 കിലോമീറ്റർ അകലെയുള്ള പ്യൂഏബ്ള എന്ന സംസ്ഥാനമാണ് ഭൂചലനത്തിന്‍റെ പ്രഭവകേന്ദ്രം. മെക്‌സിക്കോ സിറ്റി വിമാനത്താവളത്തിൽ നിന്നുള്ള വിമാന സർവീസുകൾ താൽകാലികമായി നിർത്തിവെച്ചിരിക്കുകയാണ്. ​ 1985 ല്‍ ആയിരക്കണക്കിന് ആൾക്കാരുടെ മരണത്തിന് ഇടയാക്കിയ ഭൂചലനത്തിന്‍റെ വാർഷികത്തിനിടെയാണ് മെക്‌സിക്കോയെ നടുക്കിയ ശക്തമായ ഭൂചലനം ഉണ്ടായത്.

7.1 magnitude quake kills over 130 as buildings collapse in mexico

More than 130 people killed in a strong quake occured in Mexico. Death toll may rise as many might have stuck in the collapsed buildings.