ന്യൂയോര്ക്ക്: റയാന് കജിക്ക് എട്ട് വയസ്സായിട്ടൂള്ളൂ. എന്നാല് യൂട്യൂബില് നിന്ന് കോടികള് കൊയ്യുകയാണ് ഈ കുട്ടി. 2019-ല് 26 മില്യണ് യുഎസ് ഡോളറാണ് ഈ കൊച്ചുപയ്യന് ഉണ്ടാക്കിയത്. അതായയത് ഏകദേശം 185 കോടിയോളം രൂപ.
യൂട്യൂബിലൂടെ ഏറ്റവും കൂടുതല് വരുമാനമുണ്ടാക്കുന്നവരുടെ പട്ടികയില് ഒന്നാം സ്ഥാനത്താണ് റയാന് ഇടംപിടിച്ചത്. റയാന് ഗുവാന് എന്നാണ് റയാന് കജിയുടെ യഥാര്ഥ പേര്. 2018-ല് 22 മില്യണ് ഡോളറാണ് റയാന് നേടിയതെന്നാണ് ഫോബ്സിന്റെ കണക്കില് പറയുന്നത്.
Also Read വധശിക്ഷ വിധിച്ചത് അനീതി: മുഷറഫിനെ പിന്തുണച്ച് പാകിസ്ഥാന്; ഇമ്രാന് ഖാന് അടിയന്തിര യോഗം വിളിച്ചു
2015-ലാണ് റയാന്സ് വേള്ഡ് എന്ന യൂട്യൂബ് ചാനല് തുടങ്ങിയത്. റയാന്റെ മാതാപിതാക്കളാണ് ചാനല് തുടങ്ങിയത്. അന്ന് റയാന് മൂന്ന് വയസ്സ് മാത്രമായിരുന്നു പ്രായം. 22.9 മില്യണ് സ്ബ്സ്കൈബേഴ്സാണ് റയാന്സ് വേള്ഡിനുള്ളത്.
Also Read 5700 വര്ഷം മുമ്പ് ജീവിച്ച സ്ത്രീ എങ്ങനെയായിരിക്കും? ച്യൂയിങ് ഗം നല്കും ഉത്തരം
റയാന്സ് ടോയ്സ് റിവ്യൂ എന്നായിരുന്നു ചാനലിന്റെ ആദ്യത്തെ പേര്. കുട്ടിത്താരം കളിപ്പാട്ട പെട്ടി തുറക്കുന്ന വീഡിയോകളായിരുന്നു തുടക്കത്തില് ചാനലില് നല്കിയിരുന്നത്. പെട്ടി തുറന്ന് കളിപ്പാട്ടം പുറത്തെടുത്ത് അതുമായി കളിക്കുന്ന റയാനായിരുന്നു വീഡിയോകളിലുണ്ടാവുക.
കുഞ്ഞു റയാന്റെ വീഡിയോകള് അതിവേഗമാണ് സോഷ്യല് മീഡിയയില് തരംഗമായി മാറിയത്. പല വീഡിയോകളും ഒരു ബില്യണിലധികം ആളുകളാണ് കണ്ടത്. ഇതുവരെ 35 ബില്യണ് ആളുകളാണ് ചാനല് കണ്ടിട്ടുള്ളത്. യൂട്യൂബ് വിശകലന വെബ്സൈറ്റായ സോഷ്യല് ബ്ലേഡാണ് ഈ കണക്കുകള് നല്കിയത്.
Also Read ക്രിസ്മസ് അപ്പൂപ്പന് പെണ്ണായാല് എന്താ കുഴപ്പം? തല്ലുപിടിച്ച് സോഷ്യല് മീഡിയ
ഇപ്പോള് കളിപ്പാട്ടങ്ങളെക്കുറിച്ച് മാത്രമല്ല, വിദ്യാഭ്യാസപരമായ വീഡിയോകളും റയാന് പോസ്റ്റ് ചെയ്യുന്നുണ്ട്.
ഫോബ്സ് പട്ടികയില് നേരത്തെ ഒന്നാം സ്ഥാനത്തുണ്ടായിരുന്ന ഡ്യൂഡ് പെര്ഫെക്ടിനെ മറികടന്നാണ് റയാന് കജി മുന്നിലെത്തിയത്. അസാധ്യമായ കാര്യങ്ങള് ചെയ്യുന്ന ഒരു കൂട്ടം യുവാക്കളാണ് ഡ്യൂഡ് പെര്ഫെക്ടിന് പിന്നില്. ഈ വര്ഷം അവര് നേടിയത് 20 മില്യന് ഡോളറാണ്.
Also Read സൗദിക്കാര്ക്കായി ഇതാ മാജിക് പ്ലേറ്റ്; പാഴാക്കാതെ, കണ്നിറയെ കഴിക്കാം
മൂന്നാം സ്ഥാനത്ത് മറ്റൊരു കുട്ടിത്താരമാണ്. റഷ്യയില് നിന്നുള്ള അനസ്താസ്യ റഡ്സിന്സ്കയ. 18 മില്യണ് ഡോളറാണ് ഈ അഞ്ച് വയസ്സുകാരി നേടിയത്.