തീർത്ഥാടനത്തിന്‍റെ പുണ്യവുമായി ഹജ്ജ് കർമങ്ങൾക്ക് തുടക്കമായി

മക്ക: നന്മയുടെ പ്രതീക്ഷകളുമായി ഈ വർഷത്തെ ഹജ്ജ് കർമങ്ങൾക്ക് തുടക്കമായി. നാളെ അറഫാ സംഗമം നടക്കും. ഇന്നലെ വൈകീട്ട് മുതൽ തീർത്ഥാടകർ മിനായിലേക്ക് പ്രയാണം ആരംഭിച്ചു.

ഇന്ന് തീർത്ഥാടകർ മിനായിൽ രാപാർക്കും. ഹജ്ജ് സേവകരായ മുതവഫുമാർ ഏർപ്പാടാക്കിയ ബസുകളിലാണ് തീർത്ഥാടകർ മക്കയിൽ നിന്നും മിനായിലേക്ക് എത്തിക്കൊണ്ടിരിക്കുന്നത്.

തീർത്ഥാടകർ ഇതിനകം തന്നെ മിനായിൽ എത്തിക്കഴിഞ്ഞു. ഇന്ന് മിനായിൽ പാർക്കുന്ന തീർത്ഥാടകർ നാളെ പുലർച്ചെ അറഫായിലേക്ക് നീങ്ങി തുടങ്ങും. നാളെ അറഫയില്‍ സംഗമിക്കുന്ന ഹാജിമാര്‍ മിനായിലേക്ക് മടങ്ങിയെത്തി മുസ്തല്‍ഫയില്‍ രാത്രി ചെലവഴിക്കും.ഇത്തവണ 25 ലക്ഷത്തോളം തീർത്ഥാടകരാണ് ഹജ്ജ് കർമത്തിനായി എത്തിച്ചേരുന്നത്. ഇത് മുന്നിൽ കണ്ട് സൗദി ഭരണകൂടം വളരെ മികച്ച സൗകര്യങ്ങളാണ് ഹജ്ജ് തീർത്ഥാടകർക്കായി ഒരുക്കിയിരിക്കുന്നത്. ഇന്ത്യയിൽ നിന്ന് മാത്രമായി 13600 തീർത്ഥാടകരാണ് എത്തിയിട്ടുള്ളത്.