പോളണ്ടിലെ ബാൾട്ടിക് കടലിൽ രണ്ടാം ലോകമഹായുദ്ധ കാലത്തെ ബോംബ് പൊട്ടിത്തെറിച്ചു : വീഡിയോ

രണ്ടാം ലോക മഹായുദ്ധ കാലത്തെ ബോംബ് പൊട്ടിത്തെറിച്ചു. പോളണ്ടിലെ ബാൾട്ടിക് കടലിൽ ആണ് ബോംബ് പൊട്ടിത്തെറിച്ചത്. 5000 കിലോഗ്രാം ഭാരമുള്ള ബോംബാണ് പൊട്ടിത്തെറിച്ചത്. പോളിഷ് മിലിട്ടറി ഡൈവേഴ്‌സ് ആണ് ബോംബ് നിര്‍വ്വീര്യമാക്കാന്‍ ആവശ്യമായ പ്രവര്‍ത്തനങ്ങളുമായി രംഗത്തത്തിയിരുന്നത്. ബാൾട്ടിക് കടലിനടുത്തുള്ള ഒരു ചാനലിന്‍റെ അടിയിൽ രണ്ടാം ലോക മഹായുദ്ധത്തിന്‍റെ സമയത്ത് അകപ്പെട്ട ബോംബ് ആണ് പൊട്ടിത്തെറിച്ചത്.



1945ലാണ് നാസി യുദ്ധക്കപ്പൽ ബോംബ് ഇവിടെ നിക്ഷേപിച്ചത്. 'ഭൂകമ്പ ബോംബ്' ടോൾബോയ് എന്ന പേരുകളില്‍ ഈ ബോംബ് അറിയപ്പെടുന്നുണ്ട്. കഴിഞ്ഞ വർഷമാണ് 39 അടി താഴ്ചയിൽ ബോംബ് കണ്ടെത്തുന്നത്. പോളണ്ടിന്‍റെ വടക്കുപടിഞ്ഞാറ് ഭാഗത്തുള്ള തുറമുഖ നഗരത്തിന് അടുത്ത് കുഴിക്കുന്നതിനിടെയാണ് ബോംബ് കണ്ടെത്തിയത്.

Also Read: പന്നികളിലെ കൊറോണ വൈറസ് മനുഷ്യരിൽ പടരാം; മഹാമാരി ആവ‍ർത്തിക്കാമെന്ന മുന്നറിയിപ്പുമായി ഗവേഷകര്‍

ബോംബ് പൊട്ടിത്തെറിക്കുന്നതിന്‍റെ വീഡിയോ സോഷ്യല്‍ മീഡിയയില്‍ വൈറലായി കൊണ്ടിരിക്കുകയാണ്. ബോംബ് നിർവ്വീര്യമാക്കുന്നതിന് മുമ്പായി സമീപ പ്രദേശങ്ങളില്‍ താമസിക്കുന്നവരെ മാറ്റി പാര്‍പ്പിച്ചിരുന്നു. പോളിഷ് മിലിട്ടറി ഡൈവേഴ്‌സ് അവരുടെ ഫേസ്ബുക്ക് പേജിലൂടെയാണ് വീഡിയോ പങ്കുവെച്ചത് .