ഇന്ത്യ- അഫ്ഗാന്‍ ആകാശപാതയെ രൂക്ഷമായി വിമര്‍ശിച്ച് ചൈനീസ് പത്രം

ബീജിങ്: ഇന്ത്യ അഫ്ഗാന്‍ ആകാശപാതയെ വിമര്‍ശിച്ച് ചൈനീസ് പത്രം . ചൈനീസ് സര്‍ക്കാരിന്‍റെ ഉടമസ്ഥതയിലുളള ഗ്ലോബല്‍ ടൈംസാണ് വിമര്‍ശനവുമായി രംഗത്തെത്തിയിരിക്കുന്നത്. ആകാശ പാത ഇന്ത്യയുടെ ദുര്‍വാശിയാണ് കാണിക്കുന്നതെന്നാണ് ഗ്ലോബല്‍ ടൈംസ് റിപ്പോര്‍ട്ട് ചെയ്തിരിക്കുന്നത്. ചൈന-പാകിസ്താന്‍ സാമ്പത്തിക ഇടനാഴിക്ക് ബദലായാണ് ആകാശപാതയുമായി ഇന്ത്യ മുന്നോട്ടുപോകുന്നതെന്നും പത്രം ആരോപിച്ചു.

അഫ്ഗാനിസ്ഥാന്‍ അടക്കമുള്ള മറ്റ് ഏഷ്യന്‍ രാജ്യങ്ങളുമായി പാകിസ്താനെ മറികടന്നുള്ള വ്യാപാര ബന്ധങ്ങള്‍ സജീവമാക്കുന്നതിനാണ് ഇന്ത്യ ശ്രമിക്കുന്നത്. സാമ്പത്തിക ബന്ധം മാത്രമല്ല ഇതിലൂടെ ലക്ഷ്യംവയ്ക്കുന്നതെന്നും ഇന്ത്യയുടെ രാഷ്ട്രീയമായ ദുര്‍വാശിയാണ് ഇതിനുപിന്നിലെന്നും പത്രം ആരോപിക്കുന്നു. കഴിഞ്ഞ ആഴ്ച്ചയാണ് ഇന്ത്യയ്ക്കും അഫ്ഗാനിസ്ഥാനുമിടയില്‍ ചരക്കു വിമാന പാത ഉദ്ഘാടനം ചെയ്തത്.

ഇരു രാജ്യങ്ങള്‍ക്കുമിടയിലെ വ്യാപാരബന്ധവും വാണിജ്യവും പ്രോത്സാഹിപ്പിക്കുന്നതിന്റെ ഭാഗമായാണ് പദ്ധതി. പാക് അധീന കശ്മീരിലൂടെ കടന്നുപോകുന്ന ചൈന-പാക് സാമ്പത്തിക ഇടനാഴിയെ ഇന്ത്യ ശക്തമായി എതിര്‍ത്തിരുന്നു.

Afghan air corridor shows India's stubbornness: Chinese daily

The dedicated air corridor between India and Afghanistan bypassing Pakistan is an attempt by New Delhi to counterbalance China's ambitious economic corridor via PoK and shows its "stubborn geopolitical thinking", a leading Chinese daily commented today.