വീണ്ടും സുനാമിപ്പേടി; ഇന്തോനേഷ്യന്‍ തീരങ്ങള്‍ തകര്‍ന്നു

ജക്കാര്‍ത്ത: ലോകത്തെ നടുക്കിയ സുനാമി വീണ്ടുമെത്തുന്നു. ഇന്തോനേഷ്യന്‍ ദ്വീപായ സുലവേസിയിലുണ്ടായ ഭൂചലനത്തിന് പിന്നാലെ തീരങ്ങളില്‍ സുനാമി ആഞ്ഞടിച്ചു. സുലവേസി തീരങ്ങളില്‍ രാക്ഷസത്തിരമാലകള്‍ ആഞ്ഞടിക്കുന്നതിന്‍റെ വീഡിയോ ദൃശ്യങ്ങള്‍ ഇന്തോനേഷ്യള്‍ മാധ്യമങ്ങള്‍ പുറത്തുവിട്ടു.

റിക്ടർ സ്കെയിലിൽ 7.5 രേഖപ്പെടുത്തിയ ഭൂചലനത്തിന് പിന്നാലെയാണ് സുനാമിയും ആഞ്ഞടിച്ചത്. ഇന്തോനേഷ്യയിലെ സുലവെസിക്ക് സമീപമാണ് ഭൂചലനം ഉണ്ടായത്.

പിന്നീട് തുടർചലനങ്ങളും ഉണ്ടായതിൻെറ പശ്ചാത്തലത്തിൽ ആദ്യം സുനാമി മുന്നറിയിപ്പ് പ്രഖ്യാപിച്ചിരുന്നു. പിന്നീട് ഇത് പിൻവലിച്ചു. ഭൂചലനത്തിൽ ഒരാൾ മരിച്ചുവെന്നാണ് റിപ്പോർട്ട്. നിരവധി വീടുകൾ തകർന്നു. പത്തോളം പേർക്ക് പരിക്കേറ്റു. ജനങ്ങൾ പരിഭ്രാന്തരാവാതെ സുരക്ഷിതമായ സ്ഥലങ്ങളിലേക്ക് മാറണമെന്ന് ഇന്തോനേഷ്യയുടെ ദേശീയ ദുരന്ത നിവാരണ വകുപ്പ് അറിയിച്ചു.