ലാൻഡിംഗിനിടെ വിമാനം കായലിൽ; യാത്രക്കാര്‍ രക്ഷപെട്ടു

ന്യൂസിലാൻഡ്: റൺവേയിൽ നിന്ന് തെന്നിമാറിയ വിമാനം കായലിൽ വീണു. യാത്രക്കാര്‍ നീന്തി രക്ഷപ്പെട്ടുവെന്ന് വിദേശ മാധ്യമങ്ങള്‍ റിപ്പോര്‍ട്ട് ചെയ്തു. കുറെ യാത്രക്കാരെ പ്രദേശവാസികള്‍ ചെറുബോട്ടുകളിൽ രക്ഷപ്പെടുത്തി. ന്യൂസിലാൻഡിലെ പെസഫിക് ദീപ സമൂഹത്തിലാണ് സംഭവം. എയർ ന്യൂഗിനിയുടെ ബോയിങ് 737 വിമാനമാണ് നിയന്ത്രണം വിട്ട് കായലിൽ പതിച്ചത്.


റൺവേക്ക് തൊട്ടുമുന്നിലായാണ് വിമാനം നിയന്ത്രമം വിട്ട് കായലിലേക്ക് പതിച്ചത്. 36 യാത്രക്കാരും 11 ജീവനക്കാരുമടക്കം 47പേരാണ് വിമാനത്തിലുണ്ടായിരുന്നത്. വിമാനത്തിലുണ്ടായിരുന്നവരെല്ലാം സുരക്ഷിതരാണെന്ന് എഎഫ്‍പി റിപ്പോര്‍ട്ട് ചെയ്തിട്ടുണ്ട്. അപകടകാരണം അന്വേഷിച്ച് നടപടി എടുക്കുമെന്ന് എയർ ന്യൂഗിനി കമ്പനി അറിയിച്ചിട്ടുണ്ട്.