ഗുലനെതിരെ അന്വേഷണം നടത്താന്‍ അമേരിക്കന്‍ സംഘം

വാഷിങ്ങ്ടൺ: തുർക്കിയിലെ പട്ടാള അട്ടിമറിക്ക് പിന്നിൽ ഫതഹുല്ല ഗുലന്‍റെ നേതൃത്വത്തിലുള്ള സംഘമാണെന്ന് പ്രസിഡന്‍റ് റജബ് ത്വയ്യിബ് എർദുഗാൻ നേരത്തെ ആരോപിച്ചിരുന്നു. ഗുലന്‍ തുർക്കി സർക്കാറിനെതിരെ പ്രവർത്തിക്കുന്നുവെന്ന ആരോപണത്തെപ്പറ്റി അന്വേഷിക്കാന്‍ അമേരിക്കന്‍ സംഘം തുർക്കിയിലേക്ക് തിരിച്ചുവെന്ന് ഒരു അമേരിക്കന്‍ മാധ്യമം റിപ്പോർട്ട് ചെയ്തു.

അമേരിക്കയിലെ പെന്‍സില്‍വാനിയയില്‍ കഴിയുന്ന ഗുലനെ തുർക്കിക്ക് കൈമാറണമെന്ന് എർദുഗാൻ നേരത്തെ അമേരിക്കയോട് ആവശ്യപ്പെട്ടിരുന്നു. തെളിവില്ലാതെ ഗുലനെ കൈമാറില്ലെന്ന നിലപാടാണ് അമേരിക്ക സ്വീകരിച്ചത്. എന്നാല്‍, ഗുലനുമായി അടുപ്പമുള്ള നാല് പേർ തുർക്കിയിൽ അറസ്റ്റിലായതായും സൂചനയുണ്ട്.

1999ല്‍ തുര്‍ക്കി രാജ്യദ്രോഹക്കുറ്റം ചുമത്തിയതിനെ തുടര്‍ന്ന് ഗുലന്‍ അമേരിക്കയിലേക്ക് കടക്കുകയായിരുന്നു.