കൊറോണയ്‌ക്കെതിരായ വാക്‌സിന്‍ പരീക്ഷണം മനുഷ്യരില്‍ ആരംഭിച്ചതായി അമേരിക്ക

കാന്‍ബെറ: കൊറോണ വൈറസിനെതിരായ വാക്‌സിന്‍ മനുഷ്യരില്‍ പരീക്ഷണം ആരംഭിച്ചതായി യുഎസ് ബയോടെക്‌നോളജി കമ്പനി നോവവാക്‌സ്. കമ്പനിയുടെ ഗവേഷണ മേധാവി ഡോ. ഗ്രിഗറി ഗ്ലെന്‍ പറഞ്ഞു. ആദ്യഘട്ടത്തില്‍ ഓസ്‌ട്രേലിയയിലെ മെല്‍ബണ്‍, ബ്രിസ്ബണ്‍ നഗരങ്ങളിലെ 131 വൊളണ്ടിയര്‍മാരിലാണ് പരീക്ഷണം.

Also Read: രണ്ടുമാസത്തിനു ശേഷം പരീക്ഷകള്‍ ഇന്നുമുതല്‍; അതീവ സുരക്ഷ, ശ്രദ്ധിക്കേണ്ട കാര്യങ്ങള്‍

ഈ വര്‍ഷം വാക്‌സിന്‍ പുറത്തിറക്കാനാകുമെന്ന പ്രതീക്ഷയിലാണ് കമ്പനി. 'സമാന്തരമായി കൊറോണയ്‌ക്കെതിരായ ഡോസുകള്‍ നിര്‍മ്മിക്കുന്നുണ്ട്. വാക്‌സിന്‍ കൊവിഡിനെതിരെ പ്രവര്‍ത്തിക്കുമെന്ന് കാണിക്കാന്‍ സാധിക്കുമെന്നും ഈ വര്‍ഷം അവസാനത്തോടെ അത് വിതരണം ചെയ്യാന്‍ സാധിക്കുമെന്ന പ്രതീക്ഷയിലാണ് വാക്‌സിന്‍ വികസന പ്രവര്‍ത്തനങ്ങള്‍ നടക്കുന്നതെന്ന് ഗ്ലെന്‍ പറഞ്ഞു.


Also Read: COVID-19 Live: കൊവിഡ് ബാധിച്ച് മരിച്ച കണ്ണൂര്‍‍ സ്വദേശി ആസിയയുടെ സംസ്കാരം ഇന്ന്

ചൈന, യുഎസ്, യൂറോപ്പ് എന്നിവിടങ്ങളിലായി ഏകദേശം ഒരു ഡസനോളം പരീക്ഷണ വാക്‌സിനുകള്‍ അതിന്റെ പരിശോധനയുടെ പ്രാരംഭ ഘട്ടത്തിലാണ്. വൈറസിന്റെ പുറംഭാഗത്തുള്ള സ്‌പൈക്ക് പ്രോട്ടീനെ തിരിച്ചറിയാന്‍ രോഗപ്രതിരോധ സംവിധാനത്തെ പരിശീലിപ്പിക്കുകയാണ് ഇവരില്‍ ഭൂരിഭാഗവും ചെയ്യുന്നത്. അതിലൂടെ അണുബാധ ഉണ്ടാകുമ്പോള്‍ പ്രതിരോധിക്കാന്‍ ശരീരത്തെ പ്രാപ്തമാക്കുന്നു.