American Missionaries Encouraged John Allen Chau To Go To North Sentinel Island
സുവിശേഷകനെ സെന്‍റിനല്‍ ദ്വീപിലേക്ക് അയച്ചത് രണ്ട് പേര്‍
മരണത്തിലേക്ക് ജോണ്‍ അലനെ അയച്ചത് രണ്ട് അമേരിക്കന്‍ സുവിശേഷകര്‍
Samayam Malayalam1 Dec 2018, 7:58 pm
ആന്‍ഡമാനില്‍ ആദിമനിവാസികള്‍ മാത്രമുള്ള ദ്വീപിലേക്ക് ക്രിസ്ത്യന്‍ സുവിശേഷകനെ അയച്ചതിന് പിന്നില്‍ രണ്ട് അമേരിക്കന്‍ സുവിശേഷകരാണെന്ന് പോലീസ്. സെന്‍റിനല്‍ ദ്വീപിലെ ഗോത്രവര്‍ഗക്കാരെ ക്രിസ്‍തുമാര്‍ഗത്തിലേക്ക് കൊണ്ടുവരാന്‍ പോയ ജോണ്‍ അലെന്‍ ചൗ എന്ന അമേരിക്കന്‍ സുവിശേഷകനെ പിന്നീട് മരിച്ച നിലയില്‍ ദ്വീപില്‍ കണ്ടെത്തുകയായിരുന്നു. ഇയാള്‍ ഗോത്രവര്‍ഗക്കാരുടെ അമ്പേറ്റാണ് മരിച്ചതെന്നാണ് കരുതുന്നത്.
Samayam Malayalamസെന്‍റിനല്‍ ദ്വീപ്
ജോണ്‍ ചൗവിനെ ദൗത്യത്തിന് പ്രേരിപ്പിച്ച സുവിശേഷകര്‍ ഇന്ത്യവിട്ടു. ചൗവിന്‍റെ മൃതദേഹം ദ്വീപില്‍ നിന്ന് വീണ്ടെടുക്കാന്‍ ഇതുവരെ കഴിഞ്ഞിട്ടുമില്ല - ആന്‍ഡമാന്‍ ആന്‍ഡ്‍ നിക്കോബാര്‍ പോലീസ് തലവന്‍ ദീപേന്ദ്ര പഥക്, വാര്‍ത്താ ഏജന്‍സി എഎഫ്‍പിയോട് പറ‍ഞ്ഞു.
ഒരു സ്ത്രീയും പുരുഷനുമാണ് ചൗവിനെ ദ്വീപിലേക്ക് പോകാന്‍ സഹായിച്ചതെന്നാണ് പോലീസ് കണ്ടെത്തല്‍. ഇവരുടെ പേരുവിവരങ്ങള്‍ ഉദ്യോഗസ്ഥന്‍ വെളിപ്പെടുത്തിയില്ല. ഇന്ത്യയില്‍ രജിസ്റ്റര്‍ ചെയ്‍ത ഫോണ്‍ നമ്പറുകളില്‍ നിന്ന് ചൗവുമായി ഇവര്‍ നിരന്തരം സംസാരിച്ചിരുന്നതായും കണ്ടെത്തിയിട്ടുണ്ട്.
Read More:സെന്‍റിനല്‍ ദ്വീപും ചിമമാൻഡയുടെ ഒറ്റക്കഥ നവംബര്‍ 17ന് ആണ് ചൗ, നോര്‍ത്ത് സെന്‍റിനല്‍ ദ്വീപില്‍ വച്ച് കൊല്ലപ്പെടുന്നത്. പുറംലോകവുമായി യാതൊരു വിധത്തിലുള്ള ബന്ധവും പ്രോത്സാഹിപ്പിക്കാത്ത സെന്‍റിനല്‍ ഗോത്രവര്‍ഗക്കാര്‍ തങ്ങളുടെ പ്രദേശത്തേക്ക് കടക്കുന്നവരോട് സൗഹൃദം കാണിക്കാറില്ലെന്ന് മാത്രമല്ല, ശക്തമായി പ്രതിരോധിക്കുകയും ചെയ്യും. ലോകത്തിലെ വളരെ ഒറ്റപ്പെട്ട ഗോത്രസമൂഹമായാണ് ഇവരെ വിലയിരുത്തുന്നത്.
ഇന്ത്യന്‍ സുരക്ഷ സേനയുടെ നിയന്ത്രണത്തിലുള്ള ദ്വീപിന്‍റെ അഞ്ച് കിലോമീറ്റര്‍ ചുറ്റളവ് വരെയാണ് വിനോദ സഞ്ചാരികള്‍ക്കുള്‍പ്പെടെ പോകാന്‍ കഴിയൂ. അതീവ സുരക്ഷാമേഖലയാണ് ഇതിന് ചുറ്റും. പുറമെ നിന്നുള്ളവര്‍ കൊണ്ടുവരുന്ന അസുഖങ്ങളും മറ്റും താങ്ങാന്‍ കഴിയാതെ വന്നാല്‍ ഒരുപക്ഷേ ഈ ആദിവാസി സമൂഹം തന്നെ ഇല്ലാതായേക്കും. Read More: മൃതദേഹം ദ്വീപിൽ നിന്ന് വീണ്ടെടുക്കാൻ ഗോത്രാചാരങ്ങള്‍ പഠിക്കുന്നു
ഇതുവരെ ഏഴ് പേരാണ് കേസില്‍ അറസ്റ്റിലായത്. ഇതില്‍ ആറ് പേര്‍ ചൗവിനെ ദ്വീപിലേക്ക് കടക്കാന്‍ സഹായിച്ച മത്സ്യത്തൊഴിലാളികളാണ്. ഇവര്‍ തന്നെയാണ് ചൗ മരിച്ച കാര്യവും സ്ഥിരീകരിച്ചിട്ടുള്ളത്. ദ്വീപിലെ ബീച്ചില്‍വച്ച് തന്നെ ആദിമ നിവാസികള്‍ അമ്പെയ്‍ത്‍ ചൗവിനെ കൊലപ്പെടുത്തിയെന്നാണ് ഇവരുടെ മൊഴി.
2006ല്‍ രണ്ട് ഇന്ത്യന്‍ മത്സ്യത്തൊഴിലാളികള്‍ നോര്‍ത്ത് സെന്‍റിനല്‍ ദ്വീപില്‍ അകപ്പെട്ടിരുന്നു. ഇവരെയും ആദിമനിവാസികള്‍ കൊലപ്പെടുത്തി.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
