ആംഗല മെർക്കൽ നാലാമതും ജർമനിയെ നയിക്കും

ബെര്‍ലിന്‍: ആംഗല മെർക്കൽ നയിക്കുന്ന ക്രിസ്‍റ്റ്യന്‍ ഡെമോക്രാറ്റ്‌സ് - ക്രിസ്റ്റ്യന്‍ സോഷ്യല്‍ യൂണിയന്‍ സഖ്യം ജർമനി തെരഞ്ഞെടുപ്പിൽ വിജയം നേടി. തുടർച്ചയായ നാലാം തവണയും മെർക്കൽ ജർമനി ഭരിക്കും. തീവ്ര വലതുപക്ഷ പാർട്ടിയായ സോഷ്യൽ ഡെമോക്രാറ്റ്‌സ് രണ്ടാമതെത്തി. സോഷ്യൽ ഡെമോക്രാറ്റ്‌സ് ശക്തമായ പ്രതിപക്ഷ നിരയായിരിക്കുമെന്നാണ് വിലയിരുത്തൽ.

കഴിഞ്ഞ 70 വർഷത്തിനിടെയുള്ള മോശം ഫലമാണ് മെർക്കൽ നയിക്കുന്ന സഖ്യം നേടിയത്. 32.9 ശതമാനം വോട്ടുകൾ മാത്രമാണ് ക്രിസ്‍റ്റ്യന്‍ ഡെമോക്രാറ്റ്‌സ് - ക്രിസ്റ്റ്യന്‍ സോഷ്യല്‍ യൂണിയന്‍ സഖ്യത്തിന് നേടാനായത്. കഴിഞ്ഞ തെരഞ്ഞെടുപ്പിനെ അപേക്ഷിച്ച് ഏഴു ശതമാനത്തോളം വോട്ടുകൾ കുറഞ്ഞപ്പോഴാണ് സോഷ്യൽ ഡെമോക്രാറ്റ്‌സ് 20 ശതമാനം വോട്ട് നേടി രണ്ടാമതെത്തിയത്. ആംഗല സർക്കാരിൽ മുഖ്യ പങ്കാളിയായിരുന്നു മാർട്ടിൻ ഷൂൾസ് ഇനി പ്രതിപക്ഷത്തിന്‍റെ ഭാഗമാകും.

Angela Merkel won German election

Angela Merkel led alliance won German election. She will rule the country for the fourth time.