'യുദ്ധഭൂമിയിലെ ആഞ്ജലീന ജോളി' കൊല്ലപ്പെട്ടതായി റിപ്പോര്‍ട്ട്

ഡമാസ്‍കസ്: 'യുദ്ധഭൂമിയിലെ ആഞ്ജലീന ജോളി' എന്ന് അറിയപ്പെട്ടിരുന്ന ഇരുപത്തിരണ്ട് കാരിയായ കുര്‍ദിഷ് പോരാളി കൊല്ലപ്പെട്ടതായി റിപ്പോര്‍ട്ട്. വടക്കൻ സിറിയയിലെ മിൻബിക്കിൽ ഇസ്ലാമിക് സ്റ്റേറ്റ് ഭീകരര്‍ക്കെതിരെയുള്ള പോരാട്ടത്തിലാണ് കൊല്ലപ്പെട്ടതെന്ന് വാര്‍ത്തകള്‍ സൂചിപ്പിക്കുന്നു. ആഞ്ജലീന ജോളിയുമായുള്ള രൂപസാദൃശ്യം മൂലം ആസിയ റമസാന്‍ എന്ന ഇവര്‍ വാര്‍ത്തകളില്‍ ഇടം പിടിച്ചിരുന്നു.

'വി വാണ്ട് ഫ്രീഡം ഫോർ കുർദിസ്ഥാൻ' എന്ന ഫേസ്ബുക്ക് പേജ് മരണ വാര്‍ത്ത പുറത്ത് വിട്ടെങ്കിലും ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല. ഐഎസ് ഭീകരതയ്ക്കെതിരെയുള്ള കുർദിഷ് മുന്നേറ്റമായ വനിതാ സംരക്ഷണ യൂണിറ്റിൽ 2014 മുതൽ ആസിയ അംഗമാണ്. ഐഎസ് ഭീകരതയ്ക്കെതിരെ പോരാടുന്ന 50,000ൽ അധികം അംഗങ്ങളുള്ള സംഘത്തില്‍ പതിനായിരത്തോളം പേര്‍ സ്ത്രീകളാണ്. ഭീകരതക്ക് എതിരായ മുന്നേറ്റങ്ങള്‍ ഐഎസ്സിന്‍റെ പിടിയിൽനിന്ന് മോചിപ്പിച്ച നഗരമാണ് മിൻബിക്.