സിറിയയില്‍ വീണ്ടും രാസായുധ പ്രയോഗം; 58 മരണം

ഡമാസ്‌കസ്: സിറിയയില്‍ വീണ്ടും രാസായുധ പ്രയോഗം. വടക്കുപടിഞ്ഞാറന്‍ സിറിയയിലെ വിമത സ്വാധീന മേഖലയായ ഇഡ്‌ലിബ് പ്രവിശ്യയിലെ ഖാന്‍ ഷെയ്‌ഖോണിലാണ് ക്ലോറിന്‍ വാതകം വര്‍ഷിച്ചത്. ആക്രമണത്തില്‍ 58 പേര്‍ കൊല്ലപ്പെടുകയും 60ഓളം പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. ഇരകളില്‍ ഭൂരിഭാഗവും കുട്ടികളും സാധാരണ ജനങ്ങളുമാണ്. രാസായുധ പ്രയോഗം മൂലം ഇവര്‍ക്ക് ശ്വാസതടസും ഛര്‍ദിലും ഉണ്ടായി. ഇരകളുടെ ചിത്രങ്ങള്‍ പ്രാദേശിക പ്രതിപക്ഷ പ്രവര്‍ത്തകരും വാര്‍ത്ത സൈറ്റകളും പുറത്തുവിട്ടിട്ടുണ്ട്. രാസായുധപ്രയോഗം നടത്തിയത് സിറിയന്‍ സര്‍ക്കാരോ റഷ്യന്‍ ജെറ്റുകളോ ആകാമെന്ന് മനുഷ്യവകാശ സംഘടന ആരോപിച്ചു. എന്നാല്‍ ആരോപണത്തെ സിറിയന്‍ സര്‍ക്കാര്‍ നിഷേധിച്ചു.

At least 100 dead in suspected chemical attack in Syria
At least 100 dead in suspected chemical attack in Syria, hospital reportedly hit