ബാഴ്സലോണയില്‍ തീവ്രവാദി ആക്രമണം;13 പേര്‍ കൊല്ലപ്പെട്ടു

ബാഴ്സലോണ: ആള്‍കൂട്ടത്തിലേക്ക് വാന്‍ ഓടിച്ചുകയറ്റിയതിനെ തുടര്‍ന്ന് ബാഴ്സലോണയില്‍ 13 പേര്‍ കൊല്ലപ്പെട്ടതായി റിപ്പോര്‍ട്ട്. പ്രധാന വിനോദ സഞ്ചാരകേന്ദ്രമായ ലാസ് റാബലസിലാണ് ആക്രമണമുണ്ടായത്.
32 പേര്‍ക്ക് പരിക്കേറ്റിട്ടുണ്ട്. ഇതില്‍ പത്തു പേരുടെ നില അതീവ ഗുരുതരമാണ്. മരണസംഖ്യ ഇനിയും ഉയരാനാണ് സാധ്യത.

പോലിസിന്റെ നിര്‍ദ്ദേശപ്രകാരം പ്രദേശത്തെ ഷോപ്പുകളും മെട്രോ സ്റ്റേഷനുകളെല്ലാം തന്നെ അടച്ചിട്ടിരിക്കുകയാണ്. മേഖലയില്‍ സുരക്ഷാഉദ്യോഗസ്ഥര്‍ തിരച്ചില്‍ തുടങ്ങിയിട്ടുണ്ട്.
തിരക്കേറിയ തെരുവില്‍ കാല്‍നട യാത്രക്കാര്‍ക്കു നേരെയാണ് ആക്രമണം ഉണ്ടായത്. അക്രമികളും പോലിസും തമ്മില്‍ വെടിവെപ്പുണ്ടായതായും ചിലരെ ഒരു ബാറിനുള്ളില്‍ ബന്ദികളാക്കിയതായും റിപ്പോര്‍ട്ടുകളുണ്ട്.

Barcelona terror attack

Barcelona van attack: multiple deaths reported in Las Ramblas area.