ഒബാമ എറ്റവും നല്ല അയല്‍ക്കാരന്‍; മോശം ജസ്റ്റിന്‍ ബീബര്‍

സിയാറ്റില്‍: സെലിബ്രിറ്റികളായ അയല്‍ക്കാരില്‍ ഏറ്റവും നല്ലയാള്‍ അമേരിക്കന്‍ പ്രസിഡന്‍റ് ഒബാമയും കുടുംബവും ആണെന്ന് സര്‍വേ. പത്താമത് സില്ലോ സെലിബ്രിറ്റി നെയ്ബര്‍ സര്‍വേയിലാണ് വെളിപ്പെടുത്തല്‍. സര്‍വേ ഫലപ്രകാരം പോപ്പ് ഗായകന്‍ ജസ്റ്റിന്‍ ബീബര്‍ ആണ് ഏറ്റവും മോശം സെലിബ്രിറ്റി അയല്‍ക്കാരന്‍.

അമേരിക്കയിലെ മുതിര്‍ന്ന പൗരന്മാര്‍ക്കിടയില്‍ സര്‍വേ നടത്തിയാണ് ഒോരോ വര്‍ഷവും ഏറ്റവും നല്ല സെലിബ്രിറ്റി അയല്‍ക്കാരെ തെരഞ്ഞെടുക്കുന്നത്. ഓരോരുത്തരും തങ്ങളുടെ അയല്‍ക്കാരാകാന്‍ ആരെ തെരഞ്ഞെടുക്കും എന്നതിനെ അടിസ്ഥാനപ്പെടുത്തിയാണ് സര്‍വേ.

14 ശതമാനം വോട്ടാണ് ഒബാമയ്ക്കും കുടുംബത്തിനും ഇത്തവണ ലഭിച്ചത്. പ്രസിഡന്‍റ് സ്ഥാനം ഒഴിഞ്ഞ ശേഷവും വാഷിങ്ടണ്ണില്‍ത്തന്നെ തുടരാനുള്ള തീരുമാനമാണ് ഒബാമയെ തെരഞ്ഞെടുക്കാന്‍ ആളുകളെ പ്രേരിപ്പിച്ചത്. നടനും മുന്‍ റസ്‍ലിങ് താരവുമായ ഡ്വെയ്ന്‍ ജോണ്‍സണ്‍ (റോക്ക്) ആണ് രണ്ടാം സ്ഥാനത്ത്.

ഏറ്റവും വെറുക്കപ്പെടുന്ന അയല്‍ക്കാരില്‍ 36 ശതമാനം വോട്ടു നേടി പോപ്പ് ഗായകന്‍ ജസ്റ്റിന്‍ ബീബര്‍ ഒന്നാമതെത്തി. 2014ല്‍ കിട്ടിയതിനെക്കാള്‍ രണ്ടു ശതമാനം വോട്ടാണ് ബീബര്‍ ഇത്തവണ കൂടുതല്‍ നേടിയത്.

American President Barrack Obama was elected the best celebrity neighbour of 2016. Pope singer Justin Bieber was declared the worst.