പാകിസ്ഥാൻ പള്ളിയിൽ ബോംബ് സ്‌ഫോടനം: അഞ്ച് മരണം

ഇസ്ലാമബാദ്: പാകിസ്ഥാനിലെ ക്വെറ്റയിലെ പള്ളിയിൽ ബോംബാക്രമണത്തിൽ അഞ്ച് പേർ കൊല്ലപ്പെട്ടു. 20 പേർക്ക് പരിക്കേറ്റു. സർഗൂൺ റോഡിലെ ബെഥേൽ മെമ്മോറിയൽ ചർച്ചിലാണ് ആക്രമണമുണ്ടായത്.

ബോംബ് സ്‌ഫോടനത്തിന് പിന്നാലെ വെടിവെപ്പുണ്ടായെന്നും പോലീസ് സൂചന നൽകുന്നു. ആക്രമണ സമയത്ത് 400 പേർ പള്ളിയിൽ പ്രാർഥനയിലായിരുന്നു. പള്ളിയുടെ പരിസരപ്രദേശങ്ങളിൽ കനത്ത സുരക്ഷ ഏർപ്പെടുത്തിയിട്ടുണ്ട്.