പാക് ആശുപത്രിയിൽ സ്‌ഫോടനം: 30 പേർ കൊല്ലപ്പെട്ടു

ഇസ്‌ലാമാബാദ്: പാക് ആശുപത്രിയിലുണ്ടായ ബോംബ് സ്‌ഫോടനത്തിൽ 30 പേർ കൊല്ലപ്പെട്ടു. നിരവധി പേർക്ക് പരിക്കേറ്റു. ബലൂചിസ്ഥാൻ പ്രവിശ്യയിലെ ക്വീറ്റയിലാണ് ഇന്ന് ‌സ്‌ഫോടനമുണ്ടായത്.

ബലൂചിസ്ഥാൻ ബാർ അസോസിയേഷനിലെ ബാർ അസോസിയേഷൻ മുൻ പ്രസിഡന്റ് ബിലാൽ അൻവർ കാസി വെടിയേറ്റ് മരിച്ചതിനെ ‌തുടർന്ന് ക്വീറ്റയിലെ ആശുപത്രിക്കു മുന്നിൽ നിരവധി മാധ്യമപ്രവർത്തകരും അഭിഭാഷകരും തടിച്ചുകൂടിയിരുന്നു. ഈ ആൾക്കൂട്ടത്തിനിടയിലാണ് ബോംബ് പൊട്ടിത്തെറിച്ചത്.

ക്വീറ്റയിലെ കോടതി വളപ്പിൽ വെച്ച് ഇന്ന് രാവിലെയാണ് കാസി വെടിയേറ്റുമരിച്ചത്.