കാലിഫോര്‍ണിയയിലെ ഫേസ്ബുക്ക് ആസ്ഥാനത്ത് ബോംബ് ഭീഷണി

കാലിഫോര്‍ണിയ: ഫേസ്ബുക്ക് ആസ്ഥാനമായി പ്രവര്‍ത്തിക്കുന്ന കാലിഫോര്‍ണിയ മെന്‍ലോ പാര്‍ക്കിലെ കെട്ടിടത്തില്‍ ബോംബ് ഭീഷണി. ഇതേത്തുടര്‍ന്ന് സ്ഥാപനത്തിലെ ജീവനക്കാരെ ഉദ്യോഗസ്ഥര്‍ കെട്ടിടത്തില്‍ നിന്നും ഒഴിപ്പിച്ചു. വിശദമായ പരിശോധനയ്ക്കായി കൂടുതല്‍ പോലീസ് ഉദ്യോഗസ്ഥരും ബോംബ് സ്ക്വാഡും സ്ഥലത്തെത്തി.

അതേസമയം ബോംബ് ഭീഷണിയുടെ ഉറവിടം സംബന്ധിച്ച് കൃത്യമായ വിവരങ്ങള്‍ പോലീസ് പുറത്തുവിട്ടിട്ടില്ല. മെന്‍ലോ പാര്‍ക്കിലെ ഫേസ്ബുക്കിന്‍റെ ഏത് കെട്ടിടത്തിലാണ് ബോംബ് ഭീഷണി ഉണ്ടായതെന്നും പോലീസ് വെളിപ്പെടുത്തിയിട്ടില്ല. സിലിക്കണ്‍ വാലിയില്‍ നേരത്തേ യൂട്യൂബ് ആസ്ഥാനത്തിന് നേരെയും ആക്രമണമുണ്ടായിരുന്നു.