20 വര്‍ഷങ്ങള്‍ക്ക് ശേഷം അരുന്ധതി റോയ്‍ നോവല്‍ എഴുതുന്നു

ബുക്കര്‍ പുരസ്‍കാരം നേടിയ 'ഗോഡ് ഓഫ്‍ സ്മോള്‍ തിങ്‍സി'നുശേഷം അരുന്ധതി റോയ്‍യുടെ ശ്രദ്ധ ഉപന്യാസനങ്ങളിലും ആക്ടിവിസത്തിലുമായിരുന്നു.

ഇരുപത് വര്‍ഷങ്ങളായി വിരാമമിട്ട കഥയെഴുത്ത്‍ അരുന്ധതി പുനരാരംഭിക്കുകയാണ്. അരുന്ധതിയുടെ പുതിയ നോവല്‍ 'ദി മിനിസ്ട്രി ഓഫ് അട്ട്‍മോസ്റ്റ് ഹാപ്പിനസ്' ജൂണില്‍ പുറത്തിറങ്ങും. പ്രസാധകരായ ആല്‍ഫ്രഡ് എ. നോഫ് ഇക്കാര്യം സ്ഥിരീകരിച്ചു.

ഇന്ത്യ തന്നെയാണ് അരുന്ധതിയുടെ നോവലിന്‍റെ പശ്ചാത്തലം. കഴിഞ്ഞ ഒരു ദശകമായി അരുന്ധതി ഇതിന്‍റെ പണിപ്പുരയിലാണ്.

'കഴിഞ്ഞ പത്ത് വര്‍ഷങ്ങളായി ഞാന്‍ ഈ നോവലിന്‍റെ കഥാപാത്രങ്ങള്‍ക്കൊപ്പം ജീവിക്കുകയാണ്. വ്യക്തിത്വം, ലൈംഗികത, രാഷ്ട്രം, രാജ്യസ്നേഹം, വിശ്വാസം, സ്നേഹം എന്നിങ്ങനെ വിവിധ കാര്യങ്ങളില്‍ നോവല്‍ ഇടപെടുന്നുണ്ട്' റോയ് പ്രസ്താവനയില്‍ അറിയിച്ചു.

Booker Prize-Winning Novelist Arundhati Roy Returns to Fiction

Writer and activist Arundhati Roy to publish her second novel after The God of Small things.