കുരങ്ങന്‍മാരിലെ ബുദ്ധിമാന്‍ ചാന്‍റക് വിടപറഞ്ഞു

അറ്റ്‍ലാന്‍റ: അസാധാരണമായ ബുദ്ധിവൈഭവംകൊണ്ട് ലോകത്തെ അത്ഭുതപ്പെടുത്തിയ ഒറാങുട്ടാന്‍ വിഭാഗത്തില്‍പ്പെട്ട ആണ്‍ കുരങ്ങ് ചാന്‍റക് വിടപറഞ്ഞു. അറ്റ്ലാന്‍റയിലെ മൃഗശാലയില്‍ തിങ്കളാഴ്‍ചയാണ് ചാന്‍റക് മരിച്ചത്. 39 വയസായിരുന്നു.

സ്വന്തം മുറി സ്വയം വൃത്തിയാക്കാന്‍ കഴിയുമായിരുന്ന ചാന്‍റകിന് ഫാസ്റ്റ് ഫുഡ് ഭക്ഷണശാലയിലേക്കുള്ള വഴി ഓര്‍ത്തുവെക്കാനും കഴിയുമായിരുന്നു. പരിശീലകന്‍ സ്വന്തം മകനെപ്പോലെയാണ് ചാന്‍റകിനെ വളര്‍ത്തിയിരുന്നത്. ഹൃദ്യോഗത്തിന് ചികിത്സ നടത്തിക്കൊണ്ടിരിക്കുമ്പോളാണ് മരണം. പോസ്റ്റ് മോര്‍ട്ടത്തിനു ശേഷമേ മരണകാരണം കണ്ടെത്താനാവൂ എന്ന് മൃഗശാലാ അധികൃതര്‍ പറഞ്ഞു.

അറ്റ്ലാന്‍റയിലെ യെര്‍ക്കെസ് റീജ്യണല്‍ പ്രൈമേറ്റ് റിസര്‍ച്ച് സെന്‍ററിലാണ് ചാന്‍റക് ജനിച്ചത്. പിന്നീട് ഒൻപത് വര്‍ഷത്തോളം ചാറ്റനൂഗയില്‍ ടെന്നസി സര്‍വകസാളാലയിലെ ആന്ത്രോപോളജിസ്റ്റ് ലി‍ന്‍ മൈല്‍സിന്‍റെ കൂടെയായിരുന്നു താമസം. അമേരിക്കന്‍ ആംഗ്യഭാഷ ഉപയോഗിച്ച് ആശയവിനിമയം ചെയ്യാന്‍ കഴിയുമായിരുന്ന കുരങ്ങുവര്‍ഗത്തില്‍പ്പെട്ട ചുരുക്കം ജീവികളില്‍ ഒന്നായിരുന്നു ചാന്‍റക്.

Chantek dead: Orangutan who learned sign language dies aged 39

Star of TV documentary 'The Ape Who Went to College' also became adept at cleaning his room and using tools and enjoyed dining at Dairy Queen.