ഉത്തര കൊറിയയുമായി യുദ്ധമല്ല ചര്‍ച്ചയാണ് വേണ്ടതെന്ന് ചൈന

ബെയ്ജിങ്: ഉത്തരകൊറിയയുമായുള്ള പ്രശ്നങ്ങള്‍ പരിഹരിക്കാൻ യുദ്ധമല്ല, ചര്‍ച്ചയാണ് വേണ്ടതെനന് ചൈനീസ് പ്രസിഡന്‍റ് ഷീ ചിൻപിങ്. ഉത്തരകൊറിയയുടെ ആയുധപരിശീലനം സംബന്ധിച്ച യുഎൻ സെക്രട്ടറി ജനറൽ ആന്‍റോണിയോ ഗുട്ടേഴ്സിന്‍റെ മുന്നറിയിപ്പിനോട് പ്രതികരിക്കുകയായിരുന്നു ചൈനീസ് പ്രസിഡന്‍റ്.

എന്നാൽ ഉത്തരകൊറിയയുടെ സ്വഭാവം മെച്ചപ്പെടുന്നതുവരെ ഉപാധികള്‍ വെച്ചുള്ള ചര്‍ച്ച നടത്തില്ലെന്ന നിലപാടിലാണ് വൈറ്റ് ഹൗസ്. മുൻവിധികളില്ലാതെയുള്ള ചര്‍ച്ചയ്ക്ക് തയ്യാറാണെന്ന് യുഎസ് സെക്രട്ടറി റെക്സ് ടില്ലേഴ്സണ്‍ നേരത്തെ വ്യക്തമാക്കിയിരുന്നു. ഉത്തരകൊറിയ മൂലം മറ്റു രാജ്യങ്ങള്‍ക്കുണ്ടാകുന്ന പ്രശ്നങ്ങളെക്കുറിച്ചും പരിഹാരനടപടികളെക്കുറിച്ചും റഷ്യൻ പ്രസിഡന്‍റ് വ്ളാഡിമര്‍ പുടിനും അമേരിക്കൻ പ്രസിഡന്‍റ് ഡോണള്‍ഡ് ട്രംപും ചര്‍ച്ച നടത്തിയിരുന്നു.

ന്യൂയോർക്കിൽ ചേരുന്ന യുഎൻ സുരക്ഷാ കൗൺസിൽ യോഗത്തിൽ ഉത്തരകൊറിയയോട് കൈവശമുള്ള ആയുധങ്ങൾ ഉപേക്ഷിക്കാൻ ഇതരരാജ്യങ്ങളെക്കൊണ്ട് പ്രേരിപ്പിക്കാൻ ആഹ്വാനം ചെയ്യും.