കൊവിഡ് പൊട്ടിപ്പുറപ്പെട്ടത് ലോകവ്യാപകമായി, ആദ്യം റിപ്പോര്‍ട്ട് ചെയ്തത് രാജ്യം മാത്രം തങ്ങളുടേത്; പുതിയ അവകാശവാദവുമായി ചൈന

ബെയ്ജിങ്: കൊവിഡ് രോഗവ്യാപനത്തിന്റെ പേരിൽ തുടക്കം മുതൽക്കെ സംശയമുനയിൽ നിൽക്കുന്ന രാജ്യമാണ് ചൈന. എന്നാല്‍, തങ്ങളുടെ ഭാഗത്തെ നിരപരാധിത്തം തെളിയിക്കുന്നതിനുള്ള ശ്രമങ്ങളിലാണ് ചൈന. അതിന്റെ ഭാഗമായി അവകാശവാദവുമായി അവർ രംഗത്തു വന്നിരിക്കുകയാണ്.

Also Read : മഹാരാഷ്ട്രയിലും കര്‍ണാടകത്തിലും 10,000 കടന്ന് രോഗികള്‍; തൊട്ടുതാഴെ ആശങ്ക ഉയര്‍ത്തി കേരളവും

ചൈനയിലെ വുഹാനിലാണ് കൊറോണവൈറസിന്റെ ഉത്ഭവം എന്ന പ്രചരണമാണ് ഇപ്പോള്‍ രാജ്യം നിരാകരിച്ചിരിക്കുന്നത്. കഴിഞ്ഞ വർഷം ലോകത്തിന്റെ വിവിധ ഭാഗങ്ങളില്‍ രോഗം റിപ്പോര്‍ട്ട് ചെയ്തിരുന്നു. എന്നാല്‍ ഇത് ആദ്യം റിപ്പോര്‍ട്ട് ചെയ്യുകയും അതിൽ നടപടി സ്വീകരിക്കുകയും ചെയ്തത് ചൈനയാണെന്ന് വിദേശകാര്യ മന്ത്രാലയ വക്താവ് ഹുവാ ചുന്യിങ് വെള്ളിയാഴ്ച പറഞ്ഞു.

വുഹാനിലെ ഒരു ബയോ ലാബിലാണ് കൊവിഡ് ഉണ്ടായത് എന്ന അമേരിക്കയുടെ ആരോപണവും വിദേശകാര്യ മന്ത്രാലയ വക്താവ് തള്ളിക്കളഞ്ഞു.

ചൈനീസ് കമ്മ്യൂണിസ്റ്റ് പാര്‍ട്ടി വൈറസിന്റെ വിവരം മറച്ചുവച്ചതിനെ തുടര്‍ന്നാണ് നിലവിലെ പ്രതിസന്ധിക്ക് കാരണം എന്ന് യുഎസ് സ്റ്റേറ്റ് സെക്രട്ടറി മൈക്ക് പോംപിയോ കുറ്റപ്പെടുത്തിയിരുന്നു. യുഎസ്, ഇന്ത്യ, ഓസ്ട്രേലിയ, ജപ്പാന്‍ എന്നീ രാജ്യങ്ങള്‍ പങ്കെടുത്ത ക്വാഡ് മന്ത്രിതല യോഗത്തിലാണ് ചൈനക്കെതിരെ പോംപിയോയുടെ പരാമര്‍ശം ഉണ്ടായത്.

നേരത്തെ പലവട്ടം പ്രസിഡന്റ് ട്രംപും സമാനമായ ആരോപണം ചൈനയ്ക്കെതിരെ പലവട്ടം ഉയര്‍ത്തിയിരുന്നു. അതിന് പിന്നാലെ ചൈനീസ് വൈറോളജിസ്റ്റും ഇത്തരത്തിൽ ഒരു ആരോപണം ഉന്നയിച്ചിരുന്നു.

Also Read : Fact Check : "ഒറ്റയടിക്ക് പ്രമേഹം മാറ്റാം"; ഇത്തരം ഒറ്റമൂലി വീഡിയോകൾ നിങ്ങൾ ഷെയർ ചെയ്യാറുണ്ടോ?

കൊറോണ വൈറസിന്റെ ഉത്ഭവം അന്വേഷിക്കാന്‍ ലോകാരോഗ്. സംഘടന തയ്യാറെടുക്കുന്നതിനിടെയാണ് ചൈനീസ് വിദേശകാര്യ മന്ത്രാലയം പുതിയ ന്യായീകരണവുമായി രംഗത്തുവന്നിരിക്കുന്നത്.