ആപ്പ്ജില്ല

'വേഗം രോഗം ഭേദമാകട്ടെ' ട്രംപിനും മെലാനിയക്കും രോഗമുക്തി നേര്‍ന്ന് ചൈനീസ് പ്രസിഡന്റ്

നേരത്തെ ഇന്ത്യൻ പ്രധാനമന്ത്രി നരേന്ദ്ര മോദി അടക്കം വിവിധ ലോക നേതാക്കള്‍ ട്രംപിന് ആശംസകളുമായി രംഗത്തുവന്നിരുന്നു.

Samayam Malayalam 3 Oct 2020, 7:54 pm
ബെയ്ജിങ്: കൊവിഡ് രോഗബാധ റിപ്പോര്‍ട്ട് ചെയ്തതിനെ തുടര്‍ന്ന് ചികിത്സയിൽ കഴിയുന്ന അമേരിക്കന്‍ പ്രസിഡന്റ് ഡോണൾഡ് ട്രംപിനും പ്രഥമ വനിത മെലാനിയ ട്രംപിനും രോഗമുക്തി നേര്‍ന്ന് ചൈനീസ് പ്രസിഡന്റ് ഷി ജിന്‍ പിങ്.
Samayam Malayalam trump xi jinping ap
ട്രംപിനൊപ്പം ചൈനീസ് പ്രസിഡന്റ് (ഫയൽ ചിത്രം)


Also Read : 'കൊവിഡ് പകരുന്നതിന് അവസരം നല്‍കില്ല': ഇറ്റാലിയൻ പ്രധാനമന്ത്രിക്ക് 'നല്ല നമസ്കാരം' പറഞ്ഞ് ആഞ്ജല മര്‍ക്കൽ

എന്റെ ഭാര്യ പെങ് ലിയുവാനും ഞാനും അങ്ങയോടും അങ്ങയുടെ ഭാര്യയോടും അനുതാപം അറിയിക്കുന്നു. അതിനൊപ്പം അങ്ങയുടെ വേഗത്തിലുള്ള രോഗമുക്തി ഉണ്ടാകട്ടെ എന്ന് ആശംസിക്കുന്നു. എന്നായിരുന്നു സ്റ്റേറ്റ് ടീവിയിലൂടെ പുറത്തുവിട്ട സന്ദേശത്തിൽ പറയുന്നത്.

ചൈനയും അമേരിക്കയും തമ്മിൽ ഏറെ നാളുകളായി വ്യാപര യുദ്ധത്തിലാണ്. കൊവിഡ് പൊട്ടിപ്പുറപ്പെട്ടത് മുതല്‍ ഏറെ ആരോപണങ്ങള്‍ ട്രംപ് ചൈനയ്ക്ക് നേരെ ഉന്നയിക്കുകയും ചെയ്തിരുന്നു.

Also Read : 800 കിലോമീറ്റര്‍ അകലേക്ക് പറക്കും, ലക്ഷ്യത്തോട് അടുക്കുമ്പോള്‍ ഹൈപ്പര്‍സോണിക്ക് വേഗത; ഇന്ത്യയുടെ ബാലസ്റ്റിക്ക് മിസൈലായ ശൗര്യയെക്കുറിച്ച് അറിയേണ്ട കാര്യങ്ങള്‍

ട്രംപിന്റെ രോഗവിവരം പുറത്തുവന്നതോടെ അമേരിക്കയിലെ ചൈനീസ് അംബാസിഡറും ഇരുവര്‍ക്കും സുഖം പ്രാപിക്കട്ടെയെന്ന് ആശംസിച്ചിരുന്നു. അതിന് പുറമെ, ഇന്ത്യൻ പ്രധാനമന്ത്രി നരേന്ദ്ര മോദി അടക്കം വിവിധ ലോക നേതാക്കള്‍ ട്രംപിന് ആശംസകളുമായി രംഗത്തുവന്നിരുന്നു.

Also Read : കടവും കടത്തിന്മേൽ കടവും; ബൂര്‍ജ് ഖലീഫയുടെ നിര്‍മ്മാതാക്കള്‍ പ്രവര്‍ത്തനം നിര്‍ത്തുന്നു

പ്രസിഡന്റിന്റെ ഉപദേശകയായ ഹോപ് ഹിക്സിനു രോഗബാധ റിപ്പോര്‍ട്ട് ചെയ്തതിന് പിന്നാലെയാണ് 74 കാരനായ ഡോണൾഡ് ട്രംപിനും ഭാര്യ മെലാനിയ ട്രംപിനും രോഗം കണ്ടെത്തിയത്. പിന്നീട്, അദ്ദേഹത്തെ ആശുപത്രിയിലേക്ക് മാറ്റുകയായിരുന്നു. നില തൃപ്തികരമാണെന്നാണ് റിപ്പോർട്ടുകൾ.

ആര്‍ട്ടിക്കിള്‍ ഷോ

ട്രെൻഡിങ്