ചൈനീസ് ബഹിരാകാശ നിലയം ഭൂമിയില്‍ പതിക്കും

ബെയ്ജിങ്: പ്രവര്‍ത്തനരഹിതമായ ബഹിരാകാശ നിലയം 'ടിയാന്‍ഗോങ്1' ഇരുപത്തിനാല് മണിക്കൂറിനുള്ളില്‍ ഭൂമിയിലേക്ക് പതിക്കുമെന്ന് ചൈന. മണിക്കൂറില്‍ 26,000 കിലോമീറ്ററില്‍ വേഗതയിലാണ് ബഹിരാകാശനിലയം നീങ്ങുന്നതെന്നാണ് ചൈനയിലെ ബഹിരാകാശ ഏജന്‍സി പുറത്തിറക്കിയ റിപ്പോര്‍ട്ടില്‍ പറയുന്നത്.

നിലയത്തിന്റെ നിയന്ത്രണം ചൈനയ്ക്ക് പൂര്‍ണമായും നഷ്ടപ്പെട്ടുവെന്ന് പാശ്ചാത്യ ബഹിരാകാശ വിദഗ്ദര്‍ പറഞ്ഞിരുന്നെങ്കിലും അത് അംഗീകരിക്കാന്‍ ചൈന ഇതുവരെ തയ്യാറായിരുന്നില്ല. എല്ലാവിധത്തിലും നിയന്ത്രണം നഷ്ടമായതിനാല്‍ എവിടെയാണ് നിലയം പതിക്കുകയെന്നത് വ്യക്തമല്ല. നിലയത്തിന്റെ 10 ശതമാനം ഭാഗം മാത്രമേ ഭൂമിയില്‍ പതിക്കാനിടയുള്ളൂ എന്നാണ് അനുമാനം. പ്രധാനമായും നിലയത്തിന്റെ എഞ്ചിന്‍ ഉള്‍പ്പടെയുള്ള ഭാരമേറിയ ഭാഗമായിരിക്കും ഇത്. മറ്റ് ഭാഗങ്ങള്‍ വീഴ്ചയുടെ ഭാഗമായുണ്ടാവുന്ന ഘര്‍ഷണത്തില്‍ ചിതറിപ്പോയിരിക്കും.