വാഷിങ്ടണ്: അമേരിക്കയില് റിപ്പോര്ട്ടിങ്ങിനിടെ മാധ്യമപ്രവര്ത്തകനെ പോലീസ് അറസ്റ്റ് ചെയ്തു. മിനിയാപൊളിസില് കറുത്ത വര്ഗക്കാരനായ ജോര്ജ് ഫ്ലോയ്ഡിനെ പോലീസ് കാല്മുട്ട് അമര്ത്തി കൊലപ്പെടുത്തിയതിനെ തുടര്ന്നുണ്ടായ പ്രക്ഷോഭം റിപ്പോര്ട്ട് ചെയ്യുന്നതിനിടെയാണ് സംഭവം.
Also Read: ജോര്ജ് ഫ്ലോയ്ഡിന്റെ മരണം: അമേരിക്ക കത്തുന്നു
സിഎന്എന് റിപ്പോര്ട്ടര് ഒമര് ജിമെനെസിനെയും സംഘത്തെയുമാണ് പിടികൂടിയത്. തല്സമയ റിപ്പോര്ട്ട് ചെയ്യുന്നതിനിടെ സ്ഥലത്തിയെ പോലീസ് റിപ്പോര്ട്ടറെ വിലങ്ങണിയിച്ച് കൊണ്ടുപോകുകയായിരുന്നു. ഈ ദൃശ്യങ്ങള് സമൂഹ മാധ്യമങ്ങളില് പ്രചരിച്ചു.
പ്രാദേശിക സമയം വെള്ളിയാഴ്ച പുലര്ച്ചെ 5.09നാണ് സംഭവം. പ്രക്ഷോഭകര് തീയിട്ട മിനിയാപൊളിസ് പോലീസ് സ്റ്റേഷന് സമീപത്ത് നിന്ന് റിപ്പോര്ട്ട് ചെയ്യുകയായിരുന്നു സിഎന്എന് സംഘം.
Also Read: ദക്ഷിണ കൊറിയയില് വീണ്ടും കൊവിഡ് ഭീതി
മറ്റൊരു നാല് നില കെട്ടിടം കത്തുന്നതിന്റെ ദൃശ്യങ്ങള് പകര്ത്തുന്നതിനിടെയാണ് ജിമെനെസി പോലീസ് അറസ്റ്റ് ചെയ്തത്. ജിമെനെസിന്റെ അറസ്റ്റിന്റെ ദൃശ്യങ്ങളും സിഎന്എന് സംഘം ക്യാമറയില് പകര്ത്തിയിരുന്നു. നിങ്ങള് പറയുന്ന സ്ഥലത്തേക്ക് മാറാന് തയ്യാറാണെന്നും ഇത് ലൈവ് റിപ്പോര്ട്ടിങ് ആണെന്നും ജിമെനെസ് പോലീസുകാരോട് പറയുന്നുണ്ടായിരുന്നു. തന്റെ സിഎന്എന് തിരിച്ചറിയല് കാര്ഡും ജിമെനെസ് കാണിച്ചു.
എന്തിനാണ് തന്നെ അറസ്റ്റ് ചെയ്യുന്നതെന്ന ജിമെനെസിന്റെ ചോദ്യത്തിന് മറുപടി നല്കാതെ പോലീസ് വിലങ്ങണിയിച്ച് കൊണ്ടുപോകുകയായിരുന്നു. ന്യൂസ് പ്രൊഡ്യൂസര് ബില് കിര്കോക്കിനെയും വിലങ്ങണിയിച്ചാണ് അറസ്റ്റ് ചെയ്ത് കൊണ്ടുപോയത്. അപ്പോഴും പ്രവര്ത്തിക്കുകയായിരുന്ന ക്യാമറ പിന്നീട് പോലീസ് പിടിച്ചെടുത്തു.
Also Read: ഹോങ്കോങ്ങിനുമേല് പിടിമുറുക്കി ചൈന
അറസ്റ്റ് ചെയ്ത സിഎന്എന് സംഘത്തെ രണ്ടര മണിക്കൂറിന് ശേഷം വിട്ടയച്ചു. മിനിയാപൊളിസിലെ ഹെന്നപിന് കൗണ്ട് പബ്ലിക് സേഫ്റ്റി ഫെസിലിറ്റിയിലേക്കായിരുന്നു സംഘത്തെ പോലീസ് കൊണ്ടുപോയത്.