പിതാവ് ആശുപത്രിയില്‍; നഴ്‌സുമാരെയും ഡോക്ടറെയും സാക്ഷിയാക്കി മാംഗല്യം

ടെക്‌സാസ്: വരന്റെ പിതാവിനെ ആശുപത്രിയില്‍ പ്രവേശിപ്പിച്ചതിനെ തുടര്‍ന്ന് നഴ്‌സുമാരെയും ഡോക്ടറെയും സാക്ഷിയാക്കി മാഗല്യം. ടെക്‌സാസ് സ്വദേശികളായ ആലിയയുടെയും മൈക്കിള്‍ തോംണ്‍ന്റെയും വിവാഹമാണ് ആശുപത്രിയില്‍ വച്ച് നടന്നത്.

മൈക്കിളിന്റെ പിതാവിന്റെ സാന്നിധ്യത്തില്‍ വിവാഹം നടക്കണമെന്ന ഇരുവരുടെയും തീരുമാനത്തെ തുടര്‍ന്നാണ് ആശുപത്രിയില്‍ വച്ച് വിവാഹം നടത്തിയത്. ബെയ്‌ലര്‍ സ്‌കോട്ട് ആന്‍ഡ് വൈറ്റ് ഹെല്‍ത്ത് മെഡിക്കല്‍ സെന്റര്‍ ആണ് ഇരുവരുടെയും വിവാഹത്തിന് സാക്ഷ്യം വഹിച്ചത്.



വിവാഹ വസ്ത്രം അണിഞ്ഞുവന്ന ഇരുവരും ആശുപത്രിയിലെ വസ്ത്രം ധരിച്ചാണ് മോതിരം കൈമാറിയത്. ഫ്‌ളവര്‍ ഗേള്‍സിനു പകരം ഇരു കൈകളിലും ബൊക്കകള്‍ വച്ചുകൊണ്ട് നഴ്‌സുമാരാണ് ഇരുവരെയും വരവേറ്റത്. ഡോക്ടറിന്റെ വക കേക്കും മുറിച്ചുകൊണ്ടാണ് വിവാഹാഘോഷ ചടങ്ങുകള്‍ നടന്നത്.


'മാര്‍ച്ച് മാസമായിരുന്നു യഥാര്‍ഥത്തില്‍ വിവാഹം നിശ്ചയിച്ചിരുന്നതെങ്കിലും അന്ന് നടത്താനായില്ല. പക്ഷേ, ഞങ്ങളുടെ കുടുംബത്തിലെ രണ്ടു പേര്‍ മരിക്കുകയും അതുകൊണ്ട് വിവാഹ തീയതി മാറ്റുകയായിരുന്നു. രണ്ട് പേരുടെ മരണശേഷമാണ് മൈക്കിളിന്റെ പിതാവ് ആശുപത്രിയിലായത്', ആലിയ പറഞ്ഞു.