പ്രതിരോധ ശക്തി ലോകത്തെ കാണിക്കാന്‍ യുഎസിന്‍റെ സൈനികപരേഡ്

വാഷിങ്ടണ്‍: യുഎസിന്‍റെ പ്രതിരോധശക്തി ലോകത്തെ കാണിക്കാന്‍ വിപുലമായ രീതിയില്‍ സൈനികപരേഡ് നടത്താനൊരുങ്ങി പ്രസിഡന്‍റ് ഡൊണാള്‍ഡ് ട്രംപ് . വാഷിങ്ടണില്‍ സൈനികപരേഡ് നടത്താന്‍ ട്രംപ് പെന്റഗണിന് നിര്‍ദേശം നല്‍കി.

യു എസിന്റെ സൈനികശക്തിയും കമാന്‍ഡര്‍-ഇന്‍-ചീഫ് പദവിയിലുള്ള തന്റെ പങ്കും ലോകത്തിനുമുന്നില്‍ വെളിപ്പെടുത്താനായാണ് ട്രംപ് പരേഡ് നടത്തുന്നതെന്നാണ് റിപ്പോര്‍ട്ട് .എല്ലാ അമേരിക്കക്കാര്‍ക്കും അഭിനന്ദനമറിയിക്കാനാകുന്ന തരത്തിലുള്ള ആഘോഷം സംഘടിപ്പിക്കാന്‍ പ്രതിരോധ മന്ത്രാലയത്തോട് ട്രംപ് ആവശ്യപ്പെട്ടിട്ടുള്ളതായി വൈറ്റ് ഹൗസ് വൃത്തങ്ങള്‍ വ്യക്തമാക്കി.

ഫ്രാന്‍സില്‍ ജൂലായില്‍ നടന്ന വിപുലമായ സൈനികപരേഡിന് ട്രംപ് സാക്ഷ്യം വഹിച്ചിരുന്നു. ഇതാവാം ട്രംപിന്‍റെ തീരുമാനത്തിന് പിന്നിലെന്നാണ് രാഷ്ട്രീയ നിരീക്ഷകരുടെ അഭിപ്രായം. പരേഡ് നടത്താനുളള ട്രംപിന്റെ തീരുമാനം ധൂര്‍ത്താണെന്ന് വിമര്‍ശനമുയര്‍ന്നിട്ടുണ്ട്.