ട്രംപ് സ്വന്തം പോക്കറ്റില്‍ നിന്ന് പോണ്‍സ്റ്റാറിന് പണം നല്‍കിയെന്ന് അഭിഭാഷകന്‍

വാഷിങ്ടണ്‍‍: അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപ് സ്വന്തം പോക്കറ്റില്‍ നിന്നാണ് പോൺ സ്റ്റാറിന് പണം നൽകിയെന്ന് ട്രംപിന്റെ അഭിഭാഷകൻ മൈക്കൽ കോയന്‍ . വോള്‍ സ്ട്രീറ്റ് ജേണലാണ് അശ്ലീലചിത്ര നടി സ്റ്റെഫനി ക്ലിഫോഡുമായുള്ള ട്രംപിന്റെ ബന്ധത്തെപ്പറ്റി വാര്‍ത്ത വന്നത്.

എന്നാൽ പ്രസിഡന്റായതോടെ സംഭവം മറച്ചു വയ്ക്കാനായി ഇവർക്ക് മാസം തോറും 1.3 ലക്ഷം ഡോളർ (ഏകദേശം 84.5 ലക്ഷം ) നല്‍കിയിരുന്നു എന്നും റിപ്പോര്‍ട്ടില്‍ പറയുന്നു. ഇക്കാര്യം ട്രംപിന്റെയും സ്റ്റെഫനിയുടെയും അഭിഭാഷകർ നിഷേധിച്ചിരുന്നു. അതിനു വിരുദ്ധമായാണ് മൈക്കലിന്‍റെ ഇപ്പോഴത്തെ പ്രസ്താവന.

ട്രംപ് അശ്ലീലചിത്ര നടിക്ക് പണം നൽകിയെന്നത് സത്യമാണ്. പക്ഷേ അതിൽ നിയമവിരുദ്ധമായ കാര്യങ്ങളൊന്നുമില്ലെന്നും ആ പണം തിരഞ്ഞെടുപ്പ് ക്യാംപെയ്ൻ ഫണ്ടിൽ നിന്നോ മറ്റ് സർക്കാർ ഫണ്ടുകളിൽ നിന്നോ എഴുതിയെടുത്തിട്ടുമില്ലെന്നാണ് അഭിഭാഷകന്‍ പറയുന്നത്. ട്രംപുമായുള്ള ബന്ധത്തെപ്പറ്റി മുപ്പത്തിയെട്ടുകാരിയായ സ്റ്റെഫനി നേരത്തേ മാധ്യമങ്ങളോടു വ്യക്തമാക്കിയിരുന്നു.