ചൈനക്കും ഇന്ത്യക്കുമൊപ്പം ദരിദ്ര രാജ്യങ്ങള്‍ ചേരരുത്: ഹിലരിക്ക് ക്ലിന്‍റന്‍റെ ഉപദേശം

വാഷിങ്‍ടൺ: ചൈനക്കും ഇന്ത്യക്കുമൊപ്പം ദരിദ്ര രാജ്യങ്ങള്‍ അണിചേരുന്നത് തടയാന്‍ യുഎസ് പ്രസിഡന്‍ഷ്യല്‍ തെരഞ്ഞെടുപ്പ് സ്ഥാനാര്‍ത്ഥിയായ ഹിലരി ക്ലിന്‍റന് ഭര്‍ത്താവും മുന്‍ യുഎസ് പ്രസിഡന്‍റുമായ ബില്‍ ക്ലിന്‍റൺ ഉപദേശം നല്‍കി. കോപ്പന്‍ഹേഗന്‍ ഉച്ചകോടിയില്‍ കാലാവസ്ഥാ വ്യതിയാനം സംബന്ധിച്ച കരാര്‍ ധാരണയാകുന്നതിന്‍റെ തലേന്നാണ് ഹിലരിക്ക് ക്ലിന്‍ൺ മെയില്‍ അയച്ചത്.

സ്റ്റേറ്റ് സെക്രട്ടറി ആയിരുന്ന കാലത്ത് ഹിലരി സ്വീകരിച്ചതും അയച്ചതുമായ 273 പേജുകള്‍ വരുന്ന 75 മെയിലുകള്‍ പരസ്യപ്പെടുത്തിയതോടെയാണ് ഇത് പുറത്ത് വന്നത്. 2009 ഡിസംബര്‍ 17നാണ് ക്ലിന്‍റൺ ഹിലരിക്ക് ഈ സന്ദേശം അയച്ചിരിക്കുന്നത്. 193 രാജ്യങ്ങൾ പങ്കെടുത്ത കോപ്പൻഹേഗൻ സമ്മേളനത്തിൽ 12 ദിവസത്തെ ചര്‍ച്ചക്ക് ശേഷവും സമവായത്തിലെത്താന്‍ സാധിക്കാതായപ്പോള്‍ ആകണം ഹിലരി ഭര്‍ത്താവിന്‍റെ സഹായം തേടിയിരിക്കുക.

ഉച്ചകോടിയുടെ അവസാന മണിക്കൂറുകളില്‍ പ്രസിഡന്‍റ് ബാരക്ക് ഒബാമയും അന്നത്തെ സ്റ്റേറ്റ് സെക്രട്ടരി ഹിലരിയും ഇടപെട്ടാണ് ഒത്തുതീര്‍പ്പ് ഉണ്ടാക്കിയത്.

Dont let poor countries allign with india and china: Clinton advices Hillary

the mail was made public when the US state department released 75 mails sent and received by Hillary while she was the US state secretary