ഹിലരിയുടെ ജനപിന്തുണ കുറയുന്നതായി സര്‍വേഫലം

വാഷിങ്ടണ്‍: ഡെമോക്രാറ്റിക് പാര്‍ട്ടി സ്ഥാനാര്‍ഥി ഹിലരി ക്ളിന്‍റണ് യു.എസ് പ്രസിഡന്‍റ് തെരഞ്ഞെടുപ്പില്‍ മുന്‍തൂക്കം കുറയുന്നതായി ചൂണ്ടിക്കാട്ടിയുള്ള സര്‍വേ ഫലം പുറത്ത് . ഈ മാസം ആദ്യം പ്യൂ റിസര്‍ച്ച് സെന്‍റര്‍ നടത്തിയ സര്‍വേയില്‍ 41 ശതമാനം വോട്ടര്‍മാര്‍ ഹിലരിയെ പിന്തുണച്ചപ്പോള്‍ 37 ശതമാനം വോട്ടര്‍മാര്‍ റിപബ്ളിക്കന്‍ സ്ഥാനാര്‍ഥി ഡൊണാള്‍ഡ് ട്രംപിനെ പിന്തുണച്ചു. ലിബര്‍ട്ടേറിയന്‍ സ്ഥാനാര്‍ഥി ജോണ്‍സണെ 10 ശതമാനം പേരും പിന്തുണച്ചു.

ട്രംപ് മികച്ച പ്രസിഡന്‍റാകുമെന്ന് 27 ശതമാനം പേര്‍ അഭിപ്രായപ്പെട്ടു. ഹിലരി മികച്ച പ്രസിഡന്‍റായിരിക്കുമെന്ന് 31 ശതമാനം പേര്‍ അഭിപ്രായം രേഖപ്പെടുത്തി. അരനൂറ്റാണ്ടിനിടയിലെ ഏറ്റവും മോശം ജീവിത സാഹചര്യമാണ് ഇപ്പോഴുള്ളതെന്ന് ട്രംപിന്‍റെ അനുയായുകള്‍ പറഞ്ഞപ്പോള്‍ ഇപ്പോള്‍ ഉള്ളത് മികച്ച ജീവിത സാഹചര്യമാണെന്ന് ഹിലരിയുടെ പക്ഷത്തുള്ളവര്‍ അഭിപ്രായപ്പെട്ടു.