വളര്‍ത്തു പൂച്ചയെ ജീവനോടെ പട്ടിയ്ക്കു തിന്നാന്‍ കൊടുത്തു; വീഡിയോ

ദുബായ് : ഫാമിലെ പക്ഷികളെ കൊന്നതിന് ശിക്ഷയായി വളര്‍ത്തു പൂച്ചയെ പട്ടിയ്ക്കു തിന്നാന്‍ കൊടുത്ത യുവാവിനെ ദുബായ് പോലീസ് അറസ്റ്റു ചെയ്തു. ​ പൂച്ചയെ പട്ടി കടിച്ചുകൊല്ലുന്ന വീഡിയോ ഇയാള്‍ സോഷ്യല്‍ മീഡിയയില്‍ ഷെയര്‍ ചെയ്തതാണ് പണിയായത് .

വീഡിയോ വൈറലായതിനെ തുടര്‍ന്ന് ഇയാളെ പോലീസ് അറസ്റ്റു ചെയ്യുകയായിരുന്നു. ഇയാളുടെ ഫാമില്‍ ജോലിചെയ്തിരുന്ന ഏഷ്യക്കാരായ മറ്റു രണ്ടു പേരെയും അറസ്റ്റു ചെയ്തിട്ടുണ്ട്. സൈബര്‍ വിഭാഗത്തിന്‍റെ സഹായത്തോടെയായിരുന്നു ക്രൂരകൃത്യം ചെയ്തവരെ അറസ്റ്റു ചെയ്തത്. മൃഗങ്ങള്‍ക്കെതിരെയുള്ള ക്രൂരതയ്ക്ക് ദുബായില്‍ കടുത്ത ജയില്‍ ശിക്ഷയ്കു പുറമേ നല്ല പിഴയും ചുമത്താറുണ്ട്