'സ്റ്റാലിനും ഹിറ്റ്‍ലറും തമ്മില്‍ എന്ത് വ്യത്യാസം? കമ്മ്യൂണിസം നിരോധിക്കണം'; ബ്രസീൽ പ്രസിഡന്‍റിന്‍റെ മകന്‍

ബ്രസീലിയൻ പ്രസിഡന്റ് ജെയര്‍ ബൊൽസാനരോയുടെ മകൻ എഡ്വാര്‍ഡോ ബൊൽസാനരോയുടെ ഒരു ട്വീറ്റ് ഇപ്പോള്‍ കേരളത്തിൽ അടക്കം ചര്‍ച്ചയായിരിക്കുകയാണ്. രാജ്യത്ത് കമ്മ്യൂണിസവും അതിന്റെ ചിഹ്നവും ഇല്ലാതാക്കുവാന്‍ നിയമം നിര്‍മ്മിക്കുന്നത് പരിഗണനയിലാണ് എന്നായിരുന്നു അദ്ദേഹത്തിന്റെ പരാമര്‍ശം.

Also Read : 'മാസ്ക് ധരിക്കാനാകില്ല, രാത്രി കര്‍ഫ്യൂ അംഗീകരിക്കില്ല'; ഓസ്ട്രേലിയയിൽ ലോക് ഡൗണിനെതിരെ പ്രതിഷേധം ഇങ്ങനെ

നാസികളും കമ്മ്യൂണിസ്റ്റുകളും പോളണ്ട് ആക്രമിച്ച സമയത്ത് നടത്തിയ വംശഹത്യകൾക്ക് സമാനമായ സംഭവങ്ങള്‍ തടയുവാൻ കരട് നിയമം വേണമെന്ന് ബോൾസോനാരോ ചൊവ്വാഴ്ച ട്വീറ്റ് ചെയ്തു. റഷ്യൻ ടൈംസാണ് ഇത്തരത്തിൽ ഒരു വാര്‍ത്ത ആദ്യം പുറത്തുവിട്ടത്.

കമ്മ്യൂണിസത്തിന്റെ ചിഹ്നമായ അരിവാളിന്റെയും ചുറ്റികയുടെയും അഞ്ച് പോയിന്റുള്ള നക്ഷത്രത്തിന്റെയും ചിത്രങ്ങളുടെ നിർമ്മാണം, വിൽപ്പന അല്ലെങ്കിൽ വിതരണം നിര്‍ത്തുവാനും അത് ചെയ്യുന്നവരെ ജയിലിൽ അടയ്ക്കാനും ബോൾസോനാരോ നിര്‍ദ്ദേശിക്കുന്നുവെന്ന് മാധ്യമം റിപ്പോര്‍ട്ട് ചെയ്യുന്നു. ഈ ചിഹ്നങ്ങള്‍ വിദ്വേഷ ചിഹ്നമായി തിരിക്കുമെന്നും അദ്ദേഹം ട്വീറ്റ് ചെയ്യുന്നു.

Also Read : 'ചൈനയിൽ നിന്നും ഇന്ത്യയിലേക്ക് പോകൂ'; കമ്പനികൾക്ക് 1,615 കോടിയുടെ ഇളവുകള്‍ പ്രഖ്യാപിച്ച് ജപ്പാന്‍

പിന്നീട്, അദ്ദേഹത്തിന്റെ പരാമര്‍ശം വിവാദമായതോടെ നിരവധി ആളുകള്‍ മാപ്പ് പറയണമെന്ന ആവശ്യവുമായി രംഗത്തുവന്നിട്ടുണ്ട്. വിവാദങ്ങള്‍ക്ക് പിന്നാലെ അദ്ദേഹം വിശദീകരണവുമായി ട്വീറ്റ് ചെയ്യുകയും ചെയ്തിട്ടുണ്ട്. "സ്റ്റാലിനും ഹിറ്റ്‌ലറും തമ്മിലുള്ള വ്യത്യാസം എന്താണ്?" അദ്ദേഹം ചോദിച്ചു. നിരവധി ട്വീറ്റുകള്‍ അദ്ദേഹം ഈ വിഷയത്തിൽ ചെയ്തിട്ടുണ്ട്.



Also Read : രാജ്യത്തേക്ക് കടക്കുന്നതിനുള്ള കൊവിഡ് പരിശോധനയ്ക്ക് ഇളവ് വരുത്തി അബുദാബി

നേരത്തേയും സമാനമായ വിവാദ പ്രസ്ഥാവനകള്‍ നടത്തിയിട്ടുള്ളവരാണ് ബ്രസീൽ പ്രസിഡന്റ് ജെയര്‍ ബൊൽസാനരോയും മകൻ എഡ്വാര്‍ഡോ ബൊൽസാനരോയും. റഷ്യ, ചൈന തുടങ്ങിയ രാജ്യങ്ങളുമായി ബന്ധം ഉണ്ടാക്കുക എന്നത് വലിയ ബുദ്ധിമുട്ടുള്ള കാര്യമാണ് എന്നാണ് അദ്ദേഹം ഒരിക്കൽ പറഞ്ഞത്. എല്ലാ സോഷ്യലിസ്റ്റുകളെയും ഉന്മൂലനം ചെയ്യുന്നതിനെക്കുറിച്ച് പ്രസിഡന്റ് ജെയർ ഒരിക്കൽ പോലും പറഞ്ഞിരുന്നു.