തട്ടികൊണ്ടുപോയ വിമാനത്തിൽനിന്ന് ഈജിപ്തുകാരെ വിട്ടയച്ചു

അലക്സാൻഡ്രിയയിൽ നിന്നു കെയ്റോയിലേക്ക് പോയ വിമാനത്തിൽനിന്ന് ഈജിപ്തുകാരെ വിട്ടയച്ചു. വിദേശികളും വിമാന ജീവനക്കാരും ബന്ദികളാണ്.

വിമാനം സൈപ്രസിലെ ലര്‍നാകാ വിമാനത്താവളത്തില്‍ ഇറക്കിയിരിക്കുകയാണ്. എട്ടു ജീവനക്കാരടക്കം 81 പേരാണ് വിമാനത്തിലുണ്ടായിരുന്നത്. ഇതില്‍ നിന്നു മുഴുവന്‍ ഈജിപ്തുകാരെയും മോചിപ്പിച്ചുവെന്ന് വിമാനകമ്പനി അറിയിച്ചു. വിമാനത്തിലിപ്പോള്‍ എട്ടു ജീവനക്കാരും അഞ്ച് വിദേശികളും മാത്രമാണ് ഉള്ളത്.

വിമാനം തട്ടിയെടുത്തവരുമായി നടത്തിയ ഒത്തുതീര്‍പ്പ് ചര്‍ച്ചകള്‍ക്ക് ശേഷമാണ് ഇവരെ വിട്ടയച്ചത്. ഈജിപ്ഷ്യന്‍ സ്വദേശിയായ ഇബ്രാഹിം സാമ്ഹയെന്നയാളാണ് വിമാനം തട്ടിയെടുത്തതെന്ന് തിരിച്ചറിഞ്ഞു. ഈജിപ്തില്‍ രാഷ്ട്രീയ അഭയം വേണമെന്നാണ് ഇയാളുടെ ആവശ്യം.