ഇൗജിപ്തില്‍ ഭീകരാക്രമണം;55 സുരക്ഷാ ഉദ്യോഗസ്ഥര്‍ കൊല്ലപ്പെട്ടു

കെയ്റോ : ഈജിപ്തില്‍ ഭീകരരുമായുണ്ടായ ഏറ്റുമുട്ടലില്‍ 55 സുരക്ഷാ ഉദ്യോഗസ്ഥര്‍ കൊല്ലപ്പെട്ടു. തലസ്ഥാനമായ കെയ്റോയ്ക്കു സമീപമുളള എല്‍ വഹാത് മരുഭൂമിയില്‍ ഭീകരരുടെ ഒളിത്താവളത്തിലുണ്ടായ ഏറ്റുമുട്ടലിലാണ് സുരക്ഷാ ഉദ്യോഗസ്ഥര്‍ കൊല്ലപ്പെട്ടത്. കൊല്ലപ്പെട്ടവരില്‍ 20 പേര്‍ സീനിയര്‍ ഒാഫീസര്‍മാരാണ്.

ദേശീയ സുരക്ഷാ വിഭാഗത്തിനു ലഭിച്ച രഹസ്യ വിവരത്തിന്റെ അടിസ്ഥാനത്തില്‍ റെയ്ഡിനെത്തിയ സുരക്ഷാ സംഘമാണ് ആക്രമിക്കപ്പെട്ടത്. ഏറ്റുമുട്ടലില്‍ നിരവധി ഭീകരരും കൊല്ലപ്പെട്ടിട്ടുണ്ട്.

ഇസ്ലാമിക് സ്റ്റേറ്റുമായി ബന്ധമുള്ള അന്‍സാര്‍ ബയത് ഭീകരസംഘടനയാണ് ആക്രമണം നടത്തിയതെന്നാണ് വിവരം. മരണ സംഖ്യ ഇനിയും ഉയരാനിടയുണ്ടെന്നാണ് സൂചന.

Egyptian officials say 55 police killed in Cairo shootout

Egyptian security officials say at least 55 policemen, including 20 officers and 34 conscripts, have been killed in a shootout during a raid on a militant hideout near Cairo.