മുഹമ്മദ് മുര്‍സിയുടെ ജയില്‍ ശിക്ഷ കോടതി ശരിവെച്ചു

കെയ്‌റോ: ഈജിപ്റ്റ് മുന്‍ പ്രസിഡന്റ് മുഹമ്മദ് മുര്‍സിയുടെ ശിക്ഷ കാലാവധി സംബന്ധിച്ച ഉത്തരവ് ഈജിപ്ഷ്യന്‍ ക്രിമിനല്‍ കോടതി ശരിവെച്ചു. രാഷ്ട്രപതി മന്ദിരത്തിനുപുറത്ത് പ്രക്ഷോഭം നടത്തിയവരെ പ്രകോപിപ്പിച്ചതിന്റെ പേരില്‍ 2015 ഏപ്രിലിലാണ് മുര്‍സിയെ കെയ്‌റോ കോടതി 20 വര്‍ഷത്തേക്ക് ശിക്ഷിച്ചത്.

2012ല്‍ നടന്ന ജനകീയ പ്രക്ഷോഭത്തെ അടിച്ചമര്‍ത്താനും ആളുകളെ പീഡിപ്പിക്കാനും ഉത്തരവിട്ടതിനാണ് മുര്‍സിയെ 20 വര്‍ഷത്തേക്ക് കെയ്റോ കോടതി ശിക്ഷിച്ചത്. ഈ ഉത്തരവാണ് ക്രിമിനല്‍ കോടതി ഇപ്പോള്‍ ശരിവെച്ചിരിക്കുന്നത്‌.