ലൈബീരിയയുടെ പ്രസിഡന്‍റായി മുൻ ഫുഡ്ബോൾ ഇതിഹാസം

ബാലണ്‍ ദെ' ഓര്‍ ജേതാവും എസി മിലാന്‍ ലെജന്റുമായ ജോര്‍ജ്ജ് വെ ലൈബീരിയയുടെ പ്രസിഡന്റ് ആയി തിരഞ്ഞെടുക്കപ്പെട്ടു. 1995 ലെ ബാലണ്‍ ദെ'ഓര്‍ ജേതാവായ വെ 73 കാരനായ ജോസഫ് ബോകായിയെ പരാജയപ്പെടുത്തിയാണ് പ്രസിഡന്റായി തിരഞ്ഞെടുക്കപ്പെട്ടത്. എലന്‍ ജോണ്‍സണ്‍ സര്‍ലീഫിനു ശേഷം സ്ഥാനമേറ്റെടുക്കുന്ന ജോര്‍ജ്ജ് വെ ലൈബീരിയയുടെ 25- ആം പ്രസിഡന്റ് ആണ്. 2011ല്‍ വെ വൈസ് പ്രസിഡന്റ് സ്ഥാനത്തേക്ക് മത്സരിച്ചിരുന്നു.

മൂന്ന് തവണ ആഫ്രിക്കന്‍ പ്ലെയര്‍ ഓഫ് ദി ഇയറായി തിരഞ്ഞെടുക്കപ്പെട്ട ഫിഫയുടെ വേള്‍ഡ് പ്ലെയര്‍ ഓഫ് ദി ഇയറായും തിരഞ്ഞെടുക്കപ്പെട്ടിട്ടുണ്ട്. വെങ്ങറാനാണ് ആഫ്രിക്കയിലെ മാണിക്യമായ ജോര്‍ജ്ജ് വെയെ യൂറോപ്പിന് പരിചയപ്പെടുത്തിയത്. വെങ്ങറിനൊപ്പം മൊണോകോയില്‍ എത്തിയ ജോര്‍ജ്ജ് വെ പിന്നീട് ലീഗ് വണില്‍ പിഎസ്ജിയിലും സീരി എ യില്‍ എസി മിലാനിലും പ്രീമിയര്‍ ലീഗില്‍ ചെല്‍സിക്കും സിറ്റിക്കും വേണ്ടിയും കളിച്ചിട്ടുണ്ട്.