ഫാക്ടറിയിലുണ്ടായ തീപിടിത്തത്തിൽ 19 മരണം

ബീജിങ് (ചൈന): കിഴക്കൻ ചൈനയിലെ ഴെജിയാങ് പ്രൊവിൻസിലെ ഫാക്ടറിയിൽ ഉണ്ടായ തീ പിടിത്തത്തിൽ 19 മരണം. മൂന്ന് പേർക്ക് അപകടത്തിൽ ഗുരുതരമായി പരിക്കേറ്റു. ഇന്നലെയാണ് ഫാക്ടറിയിൽ തീപിടിത്തമുണ്ടായത്.

നിംഗ്‌ബോ ജില്ലയിലെ നിങ്ഹായ് കൗണ്ടിയിൽ പ്രവർത്തിക്കുന്ന ഫാക്ടറിയിലാണ് തീപിടിത്തമുണ്ടായത്. പ്രാദേശിക സമയം ഉച്ചക്ക് ഒരു മണിയോടെയായിരുന്നു അപകടമെന്ന് സ്‍പുട്‍നിക് റിപ്പോർട്ട് ചെയ്തു. പ്രദേശവാസികളുടെ സഹായത്തോടെ തീയണക്കാൻ ശ്രമം നടത്തിയെങ്കിലും 19 പേർ കൊല്ലപ്പെട്ടെന്ന് അധികൃതർ അറിയിച്ചു. പരിക്കേറ്റവരിൽ രണ്ടു പേരുടെ നില ഗുരുതരമാണ്.