ന്യു​യോ​ര്‍​ക്കി​ലെ ട്രം​പ് ട​വ​റി​ല്‍ അ​ഗ്നി​ബാ​ധ; ആ​ള​പാ​യ​മി​ല്ല

ന്യുയോര്‍ക്ക്: യുഎസ് പ്രസിഡന്‍റ് ഡോണള്‍ഡ് ട്രംപിന്‍റെ ഉടമസ്ഥതയിലുള്ള ട്രംപ് ടവറില്‍ തീപിടിത്തം. തീപിടിത്തത്തില്‍ രണ്ട് പേര്‍ക്ക് പരുക്കേറ്റു. ഇതില്‍ ഒരാളുടെ നില ഗുരുതരമാണെന്നാണ് റിപ്പോര്‍ട്ടുകള്‍.തിങ്കളാഴ്ച പുലര്‍ച്ചെയാണ് ന്യുയോര്‍ക്കിലെ 58 നില കെട്ടിടത്തിന്‍റെ റൂഫ്ടോപ്പില്‍ തീപിടിത്തമുണ്ടായത്. നിരവധി നിലകളുള്ള കെട്ടിടത്തിൽനിന്നു പുക ഉയരുന്നതിന്‍റെ ദൃശ്യങ്ങൾ അമേരിക്കൻ മാധ്യമങ്ങൾ സംപ്രേക്ഷണം ചെയ്തു.

തീ നിയന്ത്രണ വിധേയമായെങ്കിലും പടരുന്നില്ലെന്ന് ഉറപ്പിക്കാനുള്ള ശ്രമത്തിലാണ് അഗ്നിശമന സേനാംഗങ്ങള്‍. തീപിടിത്തത്തില്‍ ആളപായം റിപ്പോര്‍ട്ട് ചെയ്യപ്പെട്ടിട്ടില്ല. കെട്ടിടത്തില്‍ തീ പടരാനുണ്ടായ കാരണത്തെ കുറിച്ച്‌ അന്വേഷണം ആരംഭിച്ചതായി അധികൃതര്‍ അറിയിച്ചു. ട്രംപ് 1980കളിൽ പണികഴിപ്പിച്ചതാണ് ട്രംപ് ടവര്‍. ട്രംപിന്‍റെ ബിസിനസ് സാമ്രാജ്യത്തിന്‍റെ ആസ്ഥാനവും ഇതുതന്നെയാണ്.അമേരിക്കന്‍ പ്രസിഡന്റാകുന്നതിന് മുന്‍പ് ട്രംപ് താമസിച്ചിരുന്നത് ഇവിടെയായിരുന്നു. ആഢംബരങ്ങളുടെ അവസാന വാക്കായി ടവറിലെ ട്രംപിന്‍റെ വീടിനെ വിശേഷിപ്പിക്കാം.