ന്യൂയോര്‍ക്ക്: പൗരത്വ ഭേദഗതി നിയമത്തിനെതിരെ പ്രക്ഷോഭം നടക്കുന്നതിനാല്‍ ഇന്ത്യയിലേക്ക് പോകരുതെന്ന് പൗരന്‍മാര്‍ക്ക് മുന്നറിയിപ്പ് നല്‍കി ലോകരാജ്യങ്ങള്‍. അത്യാവശ്യമല്ലെങ്കില്‍ ഇന്ത്യയിലേക്കുള്ള യാത്ര ഒഴിവാക്കണമെന്നാണ് അമേരിക്ക, കാനഡ, ബ്രിട്ടന്‍, ഫ്രാന്‍സ്, ഇസ്രായേല്‍ തുടങ്ങിയ രാജ്യങ്ങളാണ് സ്വന്തം പൗരന്‍മാര്‍ക്ക് നിര്‍ദേശം നല്‍കിയിരിക്കുന്നത്.

Also Read ബ്രിട്ടന്‍ ഭരിക്കാന്‍ ഇന്ത്യക്കാര്‍; പാര്‍ലമെന്‍റ് തിരഞ്ഞെടുപ്പില്‍ വിജയിച്ച് 15 ഇന്ത്യന്‍ വംശജര്‍

ശനിയാഴ്‍ചയാണ് കാനഡ എമ്പസി പൗരന്‍മാര്‍ക്ക് യാത്രാ മാര്‍ഗനിര്‍ദേശം പുറത്തിറക്കിയത്. ഇന്ത്യയിലെ വടക്ക് കിഴക്കന്‍ സംസ്ഥാനങ്ങളായ അരുണാചല്‍ പ്രദേശ്, അസം, മേഘാലയ, മണിപ്പൂര്‍, മിസോറം, നാഗാലാന്‍ഡ് എന്നീ സംസ്ഥാനങ്ങളിലേക്ക് പോകരുതെന്നാണ് പ്രസ്‍താവനയില്‍ പറയുന്നത്. വടക്ക് കിഴക്കന്‍ മേഖലയിലെ മിക്ക സംസ്ഥാനങ്ങളിലും ഇന്‍റര്‍നെറ്റ്, മൊബൈല്‍ ഫോണ്‍ സേവനങ്ങള്‍ നിലച്ചിരിക്കുകയാണെന്നും യാത്രാ സൗകര്യങ്ങളില്ലെന്നും പ്രസ്‍താവനയില്‍ ചൂണ്ടിക്കാട്ടുന്നു.

Also Read ആശുപത്രി ആക്രമണം: ഇമ്രാന്‍ ഖാന്‍റെ അനന്തരവനെ തിരഞ്ഞ് പോലീസ്

ഞായറാഴ്‍‍ച പ്രക്ഷോഭം കൂടുതല്‍ ശക്തമാകുമെന്ന മുന്നറിയിപ്പുള്ള സാഹചര്യത്തിലാണ് ബ്രിട്ടന്‍, ഫ്രാന്‍സ്, ഇസ്രായേല്‍ സര്‍ക്കാരുകളും ഇന്ത്യയിലേക്ക് യാത്ര വേണ്ടെന്ന് നിര്‍ദേശിച്ചിരിക്കുന്നത്. ഇന്ത്യയുടെ വടക്ക് കിഴക്കന്‍ സംസ്ഥാനങ്ങളിലേക്ക് പോകരുതെന്ന് കഴിഞ്ഞ ദിവസം യുഎസ് സര്‍ക്കാരും പൗരന്‍മാര്‍ക്ക് നിര്‍ദേശം നല്‍കിയിരുന്നു.

Also Read ചായപ്പൊടിയെന്ന വ്യാജേന കൊണ്ടുവന്നത് ചൈനീസ് സെക്സ് ടോയ്‍സ്; വാഹനത്തില്‍ കയറ്റുന്നതിനിടെ പിടിയില്‍

പൗരത്വ ഭേദഗതി നിയമത്തിനെതിരേ ഇന്ത്യയിലെ മിക്ക സംസ്ഥാനങ്ങളിലും പ്രക്ഷോഭം നടക്കുകയാണ്. വടക്ക് കിഴക്കന്‍ സംസ്ഥാനങ്ങളിലാണ് പ്രതിഷേധം രൂക്ഷമായിരിക്കുന്നത്. കഴിഞ്ഞ ദിവസം അസമില്‍ പ്രതിഷേധത്തിനിടെ രണ്ടുപേര്‍ പോലീസിന്‍റെ വെടിയേറ്റ് മരിച്ചു.