കാബൂള്‍: അഫ്‍ഗാനിസ്ഥാന്‍ തലസ്ഥാനമായ കാബൂളില്‍ സ്‍ഫോടന പരമ്പര. ഞായാറാഴ്‍ച കാബൂളിലെ നാലിടങ്ങളില്‍ ബോംബ് സ്‍ഫോടനം നടന്നതായി വാര്‍ത്താ ഏജന്‍സിയായ എഎഫ്‍പി റിപ്പോര്‍ട്ട് ചെയ്‍തു.

Also Read: വൈറസിന്‍റെ രണ്ടാം വരവ്; ചൈന ഭീതിയില്‍

കാബൂളിലെ വടക്കന്‍ ജില്ലയിലാണ് സ്‍ഫോടനമുണ്ടായത്. സ്ഫോടനത്തില്‍ ആരും കൊല്ലപ്പെട്ടതായി റിപ്പോര്‍ട്ടില്ല. ഒരു കുട്ടി ഉള്‍പ്പെടെ നാല് സാധാരണ പൗരന്‍മാര്‍ക്ക് പരിക്കേറ്റതായി പോലീസ് പറഞ്ഞു.

സംഭവ സ്ഥലത്തേക്ക് രക്ഷാപ്രവര്‍ത്തനത്തിനായി പോലീസ് സംഘം പോയതായി കാബൂള്‍ പോലീസ് വക്താവ് ഫെര്‍ണാണ്ടസ് ഫറമാസ് പറഞ്ഞു.

Also Read: ഇറാന്‍റെ മിസൈല്‍ സ്വന്തം യുദ്ധക്കപ്പലില്‍ പതിച്ചു

കാബൂളിലും അഫ്‍ഗാനിസ്ഥാനിലെ മറ്റു ഭാഗങ്ങളിലും വിഘടനവാദികളും ഭീകരസംഘങ്ങളും നിരന്തരം ആക്രണങ്ങള്‍ നടത്താറുണ്ട്. എന്നാല്‍ മാസങ്ങള്‍ക്ക് ശേഷമാണ് കാബൂളില്‍ ഇത്തരത്തില്‍ ആസൂത്രിതമായ സ്‍ഫോടനങ്ങള്‍ നടക്കുന്നത്.

ഫെബ്രുവരിയില്‍ യുഎസ് -താലിബാന്‍ ഉടമ്പടിയുണ്ടായതിന് ശേഷം നടക്കുന്ന ആദ്യത്തെ വലിയ ആക്രമണമാണിത്. രാജ്യത്ത് നിന്ന് യുഎസ് സൈന്യത്തെ പിന്‍വലിക്കുന്നതിന് മുന്നോടിയായിട്ടായിരുന്നു സമാധാന ഉടമ്പടിയില്‍ ഒപ്പുവെച്ചത്.

Also Read: ബ്രസീലില്‍ 24 മണിക്കൂറില്‍ 703 മരണം

ആക്രമണത്തിന്‍റെ ഉത്തരവാദിത്തം ആരും ഏറ്റെടുത്തിട്ടില്ല. കൊറോണ വൈറസ് വ്യാപനത്തിന്‍റെ പശ്ചാത്തലത്തില്‍ കാബൂളില്‍ ലോക്ക് ഡൗണ്‍ പ്രഖ്യാപിക്കാനിരിക്കെയാണ് സ്‍ഫോടനം ഉണ്ടായിരിക്കുന്നത്. രാജ്യത്ത് 4402 പേര്‍ക്കാണ് കൊവിഡ്-19 സ്ഥിരീകരിച്ചത്. 120 പേരാണ് മരിച്ചത്.