സമരം വിജയിച്ചു; ഇനി മാറുമറയ്ക്കാതെ കുളിക്കാം

ജനീവ: മാറുമറയ്ക്കാതെ കുളിക്കാനായി സ്ത്രീകള്‍ നടത്തിയ പോരാട്ടത്തിന് ഒടുവില്‍ വിജയം. സ്വിറ്റ്‌സര്‍ലന്‍ഡിൽ ജനീവയിലെ തടാകത്തിലും റോണ്‍ നദിയിലും ഇനി മേല്‍വസ്ത്രമില്ലാതെ സ്ത്രീകള്‍ക്ക് കുളിക്കാം.

നീന്തല്‍വസ്ത്രമോ, കുളിക്കുന്നതിന് അനുയോജ്യമായ വേഷമോ ധരിക്കാതെ ജനീവയിലെ പ്രകൃതിദത്ത ജലാശയങ്ങളില്‍ നീരാടാനാവില്ല എന്നാണ് നിയമം അനുശാസിക്കുന്നത്. വാക്കുകള്‍ അതേപടി നടപ്പിലാക്കിയ പോലീസ് അധികൃതര്‍, മാറുമറയ്ക്കാതെ ഇറങ്ങുന്ന സ്ത്രീകളില്‍ നിന്നും 70 സ്വിസ് ഫ്രാങ്ക് (ഏകദേശം 4500 രൂപ) പിഴ ഈടാക്കിയിരുന്നു.

ഇത്തരത്തില്‍ പിഴയടയ്‌ക്കേണ്ടി വന്ന ഒരു സ്ത്രീയുടെ പരാതിയിലാണ് നടപടി ഉണ്ടായത്. മാറുമറയ്ക്കാതെ സൂര്യസ്‌നാനം ചെയ്യാമെങ്കില്‍ നീന്താന്‍ അനുവദിക്കാത്തത് എന്തുകൊണ്ട് എന്നുകാട്ടിയാണ് യുവതി കൗണ്‍സിലില്‍ പരാതി നല്‍കിയത്.


Women in Geneva will now be allowed to swim topless in the city’s iconic lake and Rhone River