ഫ്രാങ്ക്ഫര്ട്ട് : ഭീകരവാദികള് ആക്രമണം നടത്താന് സാധ്യതയുണ്ടെന്ന വിവരത്തെ തുടര്ന്ന് 11 പേരെ അറസ്റ്റ് ചെയ്തതായി ജര്മ്മന് സുരക്ഷ ഉദ്യോഗസ്ഥര്. ഇസ്ലാമിക ഭീകരവാദികളെന്ന് സംശയിക്കുന്നവരെയാണ് പോലീസ് പിടികൂടിയത്. ഇവരുടെ പക്കല് നിന്ന് ആയുധങ്ങള് ഒന്നും ലഭിക്കാത്തതിനെ തുടര്ന്ന് ഇവരെ വിട്ടയച്ചതായും പോലീസ് അറിയിച്ചു. വെള്ളി, ശനി ദിവസങ്ങളിലായി എസ്സന്, ഡസല്ഡോര്ഫ്, വുപെര്ട്ടല്, മോണ്ഷെന്ഗ്ലാഡ്ബാഷ് തുടങ്ങിയ നഗരങ്ങളില് നിന്നാണ് ഇത്രയും പേരെ പിടികൂടിയത്. ഇസ്ലാമിക് സ്റ്റേറ്റ് ഭീകരസംഘടനയുമായി ബന്ധമുള്ളവരാണ് പിടിയിലായത് എന്നാണ് ജര്മ്മന് പോലീസ് പറയുന്നത്. ഇവര് ആക്രമണത്തിന് ഒരുങ്ങുകയായിരുന്നു എന്നും പോലീസ് കരുതുന്നു.
തെളിവുകളുടെ അഭാവത്തില് ഇവരെ വിട്ടയച്ചെങ്കിലും കേസില് അന്വേഷണം തുടരുമെന്നാണ് അന്വേഷണ ഏജന്സി പറയുന്നത്. തജിക്കിസ്ഥാനില് നിന്നുള്ളയാളാണ് അറസ്റ്റിലായവരില് ഒരാള്. മറ്റുള്ളവരെക്കുറിച്ചുള്ള വിവരങ്ങള് ഇയാള് നല്കിയിട്ടില്ല.
തെളിവുകളുടെ അഭാവത്തില് ഇവരെ വിട്ടയച്ചെങ്കിലും കേസില് അന്വേഷണം തുടരുമെന്നാണ് അന്വേഷണ ഏജന്സി പറയുന്നത്. തജിക്കിസ്ഥാനില് നിന്നുള്ളയാളാണ് അറസ്റ്റിലായവരില് ഒരാള്. മറ്റുള്ളവരെക്കുറിച്ചുള്ള വിവരങ്ങള് ഇയാള് നല്കിയിട്ടില്ല.