സ്വവർഗ വിവാഹം ജർമ്മനി നിയമവിധേയമാക്കുന്നു

സ്വവര്‍ഗ പ്രണയികള്‍ക്ക് വിവാഹം കഴിക്കാനുള്ള അനുവാദം നല്‍കി ജര്‍മ്മനി. സ്വവര്‍ഗ വിവാഹം നിയമവിധേയമാക്കാന്‍ ജര്‍മ്മന്‍ നിയമനിര്‍മ്മാണ സഭ വോട്ട് ചെയ്‍തു.

ജര്‍മ്മന്‍ അധോസഭയാണ് സ്വവര്‍ഗ വിവാഹത്തിന് അനുമതി നല്‍കി വോട്ട് ചെയ്‍തത്. ഉപരിസഭയില്‍ ഇനി ഇതിന് അനുമതി വേണം. മുന്‍പ് ഉപരിസഭ സ്വവര്‍ഗ വിവാഹത്തിന് അനുകൂല നിലപാട് സ്വീകരിച്ചിരുന്നു.

സ്ത്രീ-പുരുഷ വിവാഹങ്ങള്‍ക്ക് തുല്യമായ അവകാശങ്ങള്‍ സ്വവര്‍ഗ പങ്കാളികള്‍ക്ക് ലഭിക്കും. കുട്ടികളെ ദത്തെടുക്കുന്നതിനും ഇനി തടസമില്ല. 226ന് എതിരെ 393 വോട്ടുകള്‍ക്കാണ് ബില്‍ പാസായത്.

ഇക്കാര്യത്തില്‍ ജര്‍മ്മന്‍ ചാന്‍സലര്‍ ആഞ്ജല മെര്‍ക്കല്‍ വോട്ടെടുപ്പ് വേണ്ടെന്ന പിടിവാശി ഉപേക്ഷിച്ചതിന് ദിവസങ്ങള്‍ക്ക് ശേഷമാണ് വോട്ടെടുപ്പ് നടന്നത് എന്നതും ശ്രദ്ധേയമാണ്.

നിയമം പ്രാബല്യത്തില്‍ വരുമ്പോള്‍ സ്വവര്‍ഗ വിവാഹം നിയമവിധേയമാക്കുന്ന 20 രാജ്യങ്ങളില്‍ ഒന്നായി ജര്‍മ്മനി മാറും.

Germany votes in favor of Gay marriage

German lawmakers voted by a wide margin to legalize same-sex marriage Friday, a landmark decision which came just days after Chancellor Angela Merkel dropped her longstanding opposition to a free vote on the issue, reports CNN