വൈറ്റ് ഹൗസിന്‍റെ മതിലു ചാടി അകത്ത് കടക്കാൻ ശ്രമിച്ച യുവതി പിടിയില്‍

വാഷിങ്‍‍ടൺ: വൈറ്റ് ഹൗസിന്‍റെ മതിലു ചാടി അകത്ത് കടക്കാൻ ശ്രമിച്ച യുവതിയെ സുരക്ഷാ ഉദ്യോഗസ്ഥർ അറസ്റ്റ് ചെയ്തു. മുൻപ് രണ്ടു തവണ ഇതേ കാര്യത്തിനു ഇവര്‍ അറസ്റ്റിലായിട്ടുണ്ട്. അമേരിക്കൻ പ്രസിഡന്‍റ് ഡോണാൾഡ് ട്രംപുമായി തനിക്ക് സംസാരിക്കണമെന്നാവശ്യപ്പെട്ടാണ് യുവതി മതിലു ചാടാൻ ശ്രമിച്ചതെന്ന് പറഞ്ഞതായി സുരക്ഷാ ഉദ്യോഗസ്ഥര്‍ വ്യക്തമാക്കി.

ആദ്യ രണ്ടു തവണ ഇവരെ സുരക്ഷാ ഉദ്യോഗസ്ഥർ വെറുതെ വിടുകയായിരുന്നു. എന്നാല്‍ ഇത്തവണ ഇവർക്കെതിരെ കേസ് രജിസ്റ്റർ ചെയ്തിട്ടുണ്ട്. വൈറ്റ് ഹൗസിലേക്ക് അതിക്രമിച്ചു കയറിയതിനും ഒപ്പം കോടതി അലക്ഷ്യത്തിനുമാണ് കേസ് രജിസ്റ്റര്‍ ചെയ്തിരിക്കുന്നത്. സംഭവത്തെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല.

Girl arrested for fenced and jump White House's Wall

Girl arrested for fenced and jump White House's Wall. she told that she needs to talk with Trump