നഗരത്തിന്റെ തുറമുഖ പ്രദേശത്താണ് സ്ഫോടനമുണ്ടായിരിക്കുന്നത് എന്നാണ് പ്രാഥമിക റിപ്പോര്‍ട്ടുകള്‍ വന്നിരിക്കുന്നത്. ആദ്യ സ്ഫോടനത്തിന് പിന്നാല തുടര്‍സ്ഫോടനങ്ങള്‍ ഉണ്ടാകുകയായിരുന്നു. സ്ഫോടനത്തിന്റെ ആഘാതത്തിൽ ദൂരെയുള്ള നിരവധി കെട്ടികങ്ങളുടെ അടക്കം ചില്ലുകള്‍ തകര്‍ന്നതായും ബാല്‍ക്കണി അടക്കമുള്ള തകര്‍ന്നതായും ദൃകസാക്ഷികള്‍ പറയുന്നു. സ്ഫോടനത്തിന്റെ കാര്യം എന്താണെന്ന് ഇതുവരെയും വ്യക്തമായിട്ടില്ല.
ബെയ്റൂട്ട് തുറമുഖത്തിന് അടുത്തുള്ള സംഭരണശാലയില്‍ സ്ഫോടകശേഷിയുള്ള വസ്‍തുക്കള്‍ക്ക് തീപിടിച്ചതാണ് പൊട്ടിത്തെറിക്ക് കാരണം, ഏതെങ്കിലും തരത്തിലുള്ള ആക്രമണമല്ല ഉണ്ടായതെന്ന് ലെബനന്‍ ആഭ്യന്തരസുരക്ഷാ സേനയുടെ തലവന്‍ മാധ്യമങ്ങളോട് വിശദീകരിച്ചു.
പത്ത് പേരുടെ മൃതശരീരങ്ങള്‍ ആശുപത്രിയിലേക്ക് കൊണ്ടുപോകുകയും ചെയ്തിട്ടുണ്ട് എന്ന് റോയിറ്റേഴ്സ് റിപ്പോര്‍ട്ട് ചെയ്യുന്നു. മരണസംഘ്യ ഉയരാനാണ് സാധ്യത. സ്ഫോടനത്തിന്റെ കാര്യം എന്താണെന്ന് ഇതുവരെ വ്യക്തമായിട്ടില്ലെന്നാണ് റിപ്പോര്‍ട്ടുകള്‍.
സ്ഫോടനത്തിന്റെ ആഘാതത്തിൽ കെട്ടിടങ്ങളുടെ ചില്ലുകള്‍ തകര്‍ന്ന് തെരുവുകളിലേക്ക് വീണതായും ദൃക്സാക്ഷികള്‍ പറയുന്നു. ഇത്തരത്തിൽ നിരവധിയാളുകള്‍ക്കും പരിക്കേറ്റിട്ടുണ്ട് എന്നാണ് റിപ്പോര്‍ട്ടുകള്‍.
ഇതിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. 2005ല്‍ മുൻ പ്രധാനമന്ത്രി റാഫിക് ഹരീരിയെ കൊലപ്പെടുത്തിയ കേസിലെ വിധി വരാനിരിക്കെയാണ് സ്ഫോടനമുണ്ടായിരിക്കുന്നത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
