ക്യാമറകാണാതെ 'ഇറങ്ങില്ലെന്ന്' മോദി; വീഡിയോ വൈറല്‍

ലിസ്ബണ്‍: പ്രധാനമന്ത്രി നരേന്ദ്ര മോദിയുടെ ക്യാമറാ ഭ്രമം സമൂഹ മാധ്യമങ്ങളിൽ പല വിമർശനങ്ങള്‍ക്കും ഇടവരുത്തിയിട്ടുണ്ട്. ഇപ്പോള്‍ മറ്റൊരു വീഡിയോ കൂടി സോഷ്യല്‍ മീഡിയയില്‍ വൈറലായിരിക്കുകാണ്. ലിസ്ബണ്‍ സന്ദര്‍ശനത്തിനിടെയുളള വീഡിയോ ആണ് വൈറലായിരിക്കുന്നത്. ലിസ്ബണിലെ ചമ്പാലി മൗഡ് കാന്‍സര്‍ ഫൗണ്ടേഷന്‍ സന്ദര്‍ശിച്ചപ്പോഴാണിത്.

മോദിയുടെ കാര്‍ ക്യാൻസർ റിസർച്ച് സെന്ററിന്റെ മുന്നിൽ എത്തി നിൽക്കുന്നു. ഉടൻ തന്നെ ഒരു സുരക്ഷാ ഉദ്യോഗസ്ഥൻ വാഹനത്തിന്റെ ഡോർ വന്നു തുറക്കുന്നത് കാണാം. എന്നാൽ മോദി അതിൽ നിന്ന് പുറത്തു ഇറങ്ങി വരുന്നില്ല. ഇതിനിടെ മറ്റൊരു ഉദ്യോഗസ്ഥൻ അവിടേക്കു വരുകയും കാറിന്‍റെ ഡോർ തുറക്കുന്നത് തടയുകയും ചെയ്യുന്നുണ്ട്. പിന്നീട് രണ്ട് ക്യാമറ മാൻമാർ എത്തിയതിനു ശേഷമാണ് മോദി കാറില്‍ നിന്നിറങ്ങുന്നത്. ക്യാമാറാമാൻ ഇല്ലാത്തതിനെ തുടർന്നാണ് മോദി കാറിൽ നിന്നും ഇറങ്ങാൻ തയ്യാറാവാഞ്ഞതെന്നാണ് ദേശീയ മാധ്യമങ്ങള്‍ ഉള്‍പ്പെടെയുളളവ റിപ്പോര്‍ട്ട് ചെയ്തിരിക്കുന്നത്.

ഫേസ്ബുക്ക് സ്ഥാപകന്‍ മാര്‍ക്ക് സക്കര്‍ബര്‍ഗുമായുള്ള കൂടിക്കാഴ്ചയ്ക്കിടെ ക്യാമറയ്ക്കും തനിക്കുമിടയില്‍ വന്ന സക്കര്‍ബര്‍ഗിനെ മോദി ഒരു വശത്തേക്ക് പിടിച്ചു മാറ്റുന്നതുള്‍പ്പെടെയുള്ള നിരവധി വീഡിയോകള്‍ സോഷ്യല്‍ മീഡിയയില്‍ വലിയ ചര്‍ച്ചയായിരുന്നു.



In Portugal, Modi ‘refuses’ to come out of his car until cameramen arrive

A video became viral from Portugal, Indian Prime minister Narendra Modi ‘refuses’ to come out of his car until cameramen arrive ,when he visited The Champalimaud Foundation, which is a leading cancer research and treatment centre in Portugal.