വളര്‍ച്ചയില്‍ ഈ വര്‍ഷം ഇന്ത്യ ചൈനയെ മറികടക്കും

ന്യൂഡല്‍ഹി: ഏറ്റവും വേഗത്തില്‍ വളരുന്ന വലിയ രാജ്യമെന്ന ബഹുമതി ഈ വര്‍ഷം ഇന്ത്യ നേടും. ചൈനയെ ഇന്ത്യ മറികടക്കും. ലോകത്തിലെ ഏറ്റവും വലിയ അഞ്ചാമത്തെ വിപണിയായി ഇന്ത്യ മാറുമെന്നും സ്വതന്ത്ര ഏജന്‍സി, സാങ്‍ടം വെല്‍ത്ത് മാനേജ്‍മെന്‍റ് റിപ്പോര്‍ട്ട് ചെയ്യുന്നു.

ലോകത്തിലെ മറ്റു വിപണികള്‍ വളര്‍ച്ച കുറയുന്ന സമയത്ത് ഇന്ത്യയില്‍ വളര്‍ച്ചയുണ്ടാകുമെന്നാണ് സാങ്‍ടം റിപ്പോര്‍ട്ട് പറയുന്നത്. വികസിത രാജ്യങ്ങള്‍ പരമാവധി 3 ശതമാനംവരെ വളര്‍ച്ച തേടുമ്പോഴാണ് ഇന്ത്യ 7.5 ശതമാനം വളര്‍ച്ച തുടരുന്നതെന്നും റിപ്പോര്‍ട്ട് വിലയിരുത്തുന്നു.