ഇന്ത്യക്കാരന്‍ ഉള്‍പ്പെടെ 3 പേരെ ഭീകരര്‍ തട്ടിക്കൊണ്ടുപോയി കൊലപ്പെടുത്തി

കാബുള്‍: അഫ്ഗാനിസ്താനില്‍ ഇന്ത്യക്കാരന്‍ ഉള്‍പ്പെടെ മൂന്നു പേരെ ഭീകരര്‍ തട്ടിക്കൊണ്ടുപോയി കൊലപ്പെടുത്തി. ഇന്ന് പുലര്‍ച്ചെയാണ് ഇവരെ തട്ടിക്കൊണ്ടു പോയത്. തുടര്‍ന്ന് കാബുളിലെ മുസ്സാഹി ജില്ലയില്‍ നിന്ന് ഇവരുടെ മൃതദേഹങ്ങള്‍ കണ്ടെത്തുകയായിരുന്നു.

തലസ്ഥാന നഗരമായ കാബൂളില്‍ ഒരു അന്താരാഷ്ട്ര ഭക്ഷ്യ കമ്പനിയില്‍ ജോലി ചെയ്യുന്നവരെയാണ് കൊലപ്പെടുത്തിയത്. കൊല്ലപ്പെട്ട മറ്റ് രണ്ടു പേര്‍ മലേഷ്യന്‍, മാസിഡോണിയന്‍ പൗരന്മാരാണ്.

മൃതദേഹങ്ങളുടെ സമീപത്തുനിന്ന് ഇവരുടെ തിരിച്ചറിയല്‍ രേഖകള്‍ കണ്ടെത്തിയതായി പോലീസ് അറിയിച്ചു. ലോകത്തിലെ രണ്ടാമത്തെ ഭക്ഷ്യ വിതരണ കമ്പനിയായ സോഡെക്‌സിലെ ജീവനക്കാരാണ് കൊല്ലപ്പെട്ടതെന്ന് ഒരു മുതിര്‍ന്ന നയതന്ത്ര ഉദ്യോഗസ്ഥന്‍ പറഞ്ഞു.